अनलाइन सञ्चारमाध्यमले पनि सरकारी लोककल्याणकारी विज्ञापन पाउने

बुटवल । प्रिन्ट मिडीया, रेडियो र टेलिभीजनमा मात्र सिमित बनाईएको सरकारको लोककल्याणकारी विज्ञापन अव दर्ता भएका अनलाई मिडीयाहरुले पनि पाउने भएका छन् । पूर्ववर्ती सरकारले प्रस्तुत गरेको बजेटलाई प्रतिस्थापन गर्दै अर्थमन्त्री जनार्दन शर्माले प्रस्तुत गरेको बजेटमा अनलाइन माध्यमबाट प्रसारित सञ्चारमाध्यमलाई पनि लोक कल्याणकारी विज्ञापन प्रदान गर्ने प्रस्ताव गरेका छन् ।

शुक्रबार अर्थमन्त्री जनार्दन शर्माले पूर्ववर्ती सरकारले अध्यादेशमार्फत ल्याएको बजेट संशोधन गर्न प्रतिनिधि सभामा प्रतिस्थापन विधेयक पेस गर्दै लोक कल्याणकारी विज्ञापनको दायरा विस्तार गरी अनलाइन सञ्चारमाध्यमलाई पनि उपलब्ध गराउने व्यवस्था मिलाएको बताएका हुन्।

शर्माले एमाले सांसदहरुको नाराबाजीबीच संसदमा प्रतिस्थापन विधेयक पेश गरेका थिए।