काठमाडौं । नेपाल राष्ट्र बैंकले असोज ४ गतेदेखि नयाँ नोट वितरण गर्ने भएको छ । दशैंलाई लक्षित गरेर राष्ट्र बैंकले नयाँ नोट वितरण गर्नेभएको हो ।
बालुवाटारस्थित केन्द्रीय कार्यालय र प्रादेशिक कार्यालयहरुबाट नयाँ नोट वितरण हुने राष्ट्र बैंकले जनाएको छ ।
वाणिज्य बैंक, विकास बैंक र फाइनान्सहरुले पनि नयाँ नोट वितरण गर्ने राष्ट्र बैंकले जनाएको छ । एकजना व्यक्तिले १८ हजार ५ सय रुपैयाँका दरले नयाँ नोट पाउनेछन् ।
कोरोना संक्रमणका कारण राष्ट्र बैंकले गत वर्ष नयाँ नोट वितरण रोकेको थियो ।
दशैंमा नयाँ नोट वितरण गर्ने प्रचलन रहँदै आएको छ । नोट प्राप्तिका लागि राष्ट्र बैंकको थापाथलीस्थित कार्यालयमा सर्वसाधारणहरुको लामो लाइन लाग्ने गर्दथ्यो ।
प्रतिक्रिया