काठमाडौं । क्रिकेट स्टार शाहिद अफ्रिदी माउन्टेन फ्लाइटमा जाने भएका छन् ।
एभरेष्ट प्रिमियर लिग खेल्न नेपाल आएका पाकिस्तानी स्टार क्रिकेटर अफ्रिदी आइतबार बिहान माउण्टेन फ्लाइटमा जाने भएका हुन् । उनको फ्लाइटको व्यवस्थापन यति एयरलाइन्सले गर्नेभएको छ ।
काठमाडौं किङ्ग्स ११बाट ईपीएल खेल्न नेपाल आएका अफ्रिदीले त्रिभुवन अन्तराष्ट्रिय विमानस्थलमा नेपालको प्राकृतिक सुन्दरताबाट आफु प्रभावित भएको बताएका थिए । नेपालमा मुख्य पर्यटकीय सिजन सुरु हुनै लाग्दा अफ्रिदीको गर्न लागेको माउन्टेन फ्लाइटबाट नेपालको पर्यटन प्रवद्र्धन हुनसक्ने पर्यटन व्यवसायीहरुले बताएका छन् ।
एयरलाइन्सहरुले माउन्टेन फ्लाइट सुरु गरिसकेका छन् । नेपालमा बुद्ध र यति एयरलाइन्सले माउन्टेन फ्लाइट गर्छन् ।
अफ्रिदीले दराज, शिवम सिमेन्ट, बजाज पल्सर, टिभिएस लगायतका ब्रान्डले गर्ने कार्यक्रममा पनि सहभागिता जनाउने भएका छन् ।
पाकिस्तानी क्रिकेट स्टार अफ्रिदी विश्वकै चर्चित क्रिकेटर हुन् । नेपाल भित्रको खेल खेल्न विश्वस्तरको यति ठूलो स्तरको खेलाडी पहिलोपटक आएका हुन् ।
क्रिकेटस्टर अफ्रिदीको नेपाल भ्रमणबाट नेपाल पाकिस्तानबीच रहेको जनस्तरको सम्बन्ध समेत मजबुद हुने विश्वास गरिएको छ ।
प्रतिक्रिया