बुटवल । सडकमा मृगौला पिडीत, मुटुका बिरामी, दिर्घरोग लागेर उपचार गर्न नसक्ने जस्ता बिभिन्न बहाना बनाएर सहयोग माग्ने ब्यक्ति, समुह र संस्थाहरु आजभोली बजारमा बाक्लै देख्न सकिन्छ । राजमार्गहरुमा बाटो छेकेर, पसलहरुमा सहयोगपेटिका थापेर र सडकहरुमा कपडा थाप्दै सहयोगको रहम उठाउँदै हिँडेको पनि धेरै नै देख्न सकिन्छ । तर ती माग्नेहरु नक्कली बाहाना बनाएर सर्वसाधारणलाई ठग्ने हरु हुने गरेको पत्ता लागेको छ । व्यवसायीकरुपमा नै बाहाना बनाएर नगदी रसिद काट्दै सहयोग रकम उठाउाँदै हिँड्ने एउटा समुह पाल्पा प्हरीको फन्दामा परेको छ ।
पाल्पाको तानसेनबाट प्रहरीले बाहाना बनाएर माग्ने एउटा समुहलाई पक्राउ गरेपछि त्यस्ता माग्नेहरु ठगहरु पनि हुन सक्ने खुलासा भएको हो । पाल्पाको तानसेनमा केहीदिनबाट बिभिन्न बाहानामा सहयोग रकम उठाउँदै हिँड्ने समुहलाई पक्राउ गरिएको पाल्पा प्रहरीले जनाएको छ । प्रहरीका अनुसार तानसेनको करुवा होटलमा बसेर तानसेन बजारमा बाहाना बनाई नागरिकसँग पैसा उठाउने ५ जनालाई प्रहरीले पक्राउ गरेको हो । पक्राउ पर्नेमा गोरखा पालुंङटारका दिपक भन्ने प्रदिप गुरुङ, मोरङ उर्लाबारीका धनबहादुर विश्कर्मा, मोरङ शनिश्चरेका राजेश खरेल, झापा कन्काईका केदार बिक र सोही स्थानका सुर्य विश्वकर्मा रहेका छन् ।
उनीहरुबाट प्रहरीले मृगौला पिडितको सहयोग रसिद, चन्दा रसिद, सामाजिक सेवा अभियान नामको नगदी रसिद फेला परेको प्रहरीले जनाउको छ । उनीहरुबाट स्थानीयबासीबाट संकलन गरेको २१ हजार २५५ नगद बरामद भएको पाल्पा प्रहरी प्रवक्ता प्रहरी नायव उपरिक्षक रामेश्वर त्वाँतीले बताए । पक्राउ परेकाहरुले तानसेनमा अवैध अनाधिकृत रुपमा चन्दा संकलन गर्दै गरेको सूचनाका आधारमा स्थानीय करुवा होटलबाट उनीहरुलाई पक्राउ गरिएको उनले जानकारी दिए ।
आजभोली पाल्पामा मात्र होईन हरेक बजार र शहरहरुमा बाबाना बनाएर रकम असुल्नेहरु बाक्लै भेटिने गरेको छ । पाल्पा प्रहरीले जस्तै अन्य स्थानमा पनि प्रहरी निगरानी बढाउन जरुरी छ ।
प्रतिक्रिया