काठमाडौँ । भारतसँग साफ च्याम्पियनसिप फुटबलका लागि फाइनल खेल्ने प्रतिक्षामा रहेका माल्दिभ्समा रहेका नेपाली राष्ट्रिय फुटबल टोलीले माल्दिभ्समा नै दसैँ पर्व मनाएको छ । खेलाडीहरुले आफ्नै टिमका खेलाडी तथा प्रशिक्षक र अफिसियलहरुसँग टिका जमरा लगाएर दशै मनाएका हुन् ।
खेलाडीहरुको हौसला बढाउन नेपाली टिमका मुख्य प्रशिक्षक अब्दुल्लाह अल्मुताइरीले समेत टिका र जमरा लगाएका थिए । नेपाली खेलाडी, प्रशिक्षक तथा अफिसियलहरुलाई टिमका व्यवस्थापक मधुसुदन उपाध्ययले टीका र जमरा लगाइदिएका थिए ।
पहिलोपटक साफ च्याम्पियनसिपको फाइनलमा पुगेको नेपाले शनिबार साफ च्याम्पियनसिप उपाधिका लागि भारतविरुद्ध खेल्ने छ । फाइनल शनिबार राति ८ः४५ बजे सुरु हुने छ ।
तस्बिर : एन्फा
प्रतिक्रिया