राज्यले सम्पूर्ण विभेदको अन्त्य गर्नुपर्दछ : प्रदेश प्रमुख शेरचन

बुटवल । लुम्बिनी प्रदेशका प्रदेश प्रमुख अमिक शेरचनले विश्वका मानिसहरुले विज्ञान प्रविधिको प्रयोग गरीरहदाँ नेपालमा जातीय विभेद कायम रहनु दुखद विषय भएको बताएका छन् । बुधबार आदिबासी जनजाती आयोगको वार्षिक प्रतिबेदन बुझ्दै प्रदेश प्रमुख शेरचनले नेपालमा सबै विभेदको अन्त्य गर्नका लागि राज्यले छिटो भन्दा छिटो कदम चाल्नु पर्ने बताए ।

उनले समयमा नै राज्यले विभेद अन्त्य गर्ने तर्फ ध्यान पु¥याउन नसकेमा त्यसले व्यवस्था प्रति नै नकारात्मक धारणा बन्न सक्ने चेतावनी दिए । प्रमुख शेरचनले लुम्बिनी प्रदेशमा पनि त्यस्ता विभेद छन् भने त्यसको अन्त्य गर्दै सबै समुदायको विकासका लागि अगाडि बढनुपर्ने बताए ।

वार्षिक प्रतिबेदन बुझाउदै आयोगका अध्यक्ष रामबहादुर थापा मगरले ब्यबस्था परिबर्तनको संघर्षमा आदिबासी जनजातीको ठूलो भुमिका भएको उल्लेख गरे । उनले समतामुलक समाज निर्माणको लागि पनि आदिवासी जनजातीको योगदान ठुलो रहेको दाबी गर्दै राज्यले त्यसलाई सम्बोधन गर्न नसकेको बताए ।

कार्यक्रममा लुम्बिनी प्रदेशका मुख्यमन्त्री कुल प्रसाद केसीको उपस्थिति रहेको थियो ।