२३ बैशाख २०८१, आइतबार | May 5, 2024

नेपालगन्ज जहाँ मुस्लिम दाजुभाईले हिन्दु दिदीबहिनीसँग सप्तरङ्गी टीका लगाउँछन्



नेपालगन्ज । पश्चिम नेपालको एउटा शरह नेपालगन्ज नेपालमा सदभावको शहरका नामबाट पनि प्रसिद्ध रहेको छ । विश्व जनमानसमा धर्मका नाममा लडाँई झगडा भईरहँदा नेपालगन्जमा ईद मनाउन र शुभकामना दिन हिन्दुहरु मज्दिज पुग्छन् भने मुस्लिम अगुवाहरुले दशैं र तिहारमा हिन्दुको घरमा टीका थाप्न आउने गर्दछन् ।

मस्लिम समुदायको ईदमा इदगाहामा गएर हिन्दुहरुले गला मिलाउँदै इद मिलन गरेको झण्डै २ महिना पछि परेको दशैं र तिहारमा हिन्दुको घरमा पुगेर मुस्लिम अगुवाहरुले टीका थापेका छन् । अघिल्लो वर्षलाई निरन्तरता दिँदै नेपालगन्ज उद्योग बाणिज्य संघका अध्यक्ष अब्दुल वाहिद मन्सुरी, युनेस्को क्लवका संस्थापक अध्यक्ष प्रवेज अलि सिद्दीकी, नेपालगन्ज उपमहानगरपालिका ४ का वडा अध्यक्ष मोहम्मद सफिक बेहना लगायतले तिहारमा हिन्दु दिदी बहिनीसँग सप्तरँगी टीका लगाएका छन् ।

नेपालगन्ज उद्योग बाणिज्य संघका अध्यक्ष मन्सुरीले नेपालगन्ज पमहागरपालिका १, धम्बोझी माइती भई राजविराजमा विवाह भएकी पुनम सिंहको हातबाट टीका लगाएका छन् भने बाँके युनेस्को क्लवका संस्थापक अध्यक्ष सिद्धिकीले नेपालगन्जकी मिना तुलाधर र दिदी माया थापासँग टीका लगाएका छन् । त्यसैगरि नेपालगन्ज उपमहानगरपालिका ४ का वडा अध्यक्ष मोहम्मद सफिक बेहनाले नेपालगन्ज उपमहानगरपालिका १४ भवनियापुरकी लक्ष्मी चौधरीको हातबाट भाई टीका लगाएका छन् ।

विगत लामो समयदेखि भाई टीका लगाउँदै आएको बताउँदै उनीहरुले भाईटीकाले हिन्दु र मुस्लिम वीच सद्भाव कायम गरेको दाबी समेत गरेका छन् । नेपालगन्जमा हिन्दु र मुस्लिम वीच राम्रो सम्बन्ध छ भन्ने देश, विदेशमा सन्देश दिन टीका लगाउन थालेको उद्योग बाणिज्य संघका अध्यक्ष मन्सुरीले बताए ।

वडा अध्यक्ष बेहनाले पनि सामाजिक र धार्मिक सद्भावका लागि भाई टीका लगाउने गरेको उनले बताए ।

बाँके युनेस्को क्लवका संस्थापक अध्यक्ष प्रवेज सिद्धिकीले हिन्दु र मुस्लिम धर्मालम्बिहरुले एकले अर्काको धर्मको सम्मान स्थापित गर्न टीका लगाउन शुरु गरेको बताए ।

मुस्लिमहरु भाई टीका लगाउने, दसैँमा टीका लगाउने र हिन्दुहरु मुस्लिमको मोहरम, मोहम्मद डे लगायतका पर्वमा शुभकामना आदान प्रदान गर्ने चलनले नै नेपालगन्जलाई सद्भावको सहर बनाएको सिद्दीकीको भनाई छ।

 

 

प्रकाशित मिति : २० कार्तिक २०७८, शनिबार  १० : ०४ बजे

घरजग्गा कारोबारमा अझै बढेन ‘कन्फिडेन्स’

काठमाडौं । अर्थतन्त्रका आन्तरिक तथा बाह्य सूचकहरु सकारात्मक देखिएको भए

सन्दीपको मुद्धा न्यायाधीशद्वय निरौला र ढुंगेलको इजलासमा

काठमाडौं । क्रिकेटर सन्दीप लामिछानेको मुद्दामा आज पेसी तोकिएको छ

भारतसँग जोडिएका सिरहाका सीमानाका आठ दिन बन्द हुने

सिरहा । छिमेकी राष्ट्र भारतको विहार राज्यमा हुने लोकसभा निर्वाचनलाई

१०० रुपैयाँको नोटमा चुच्चे नक्सा राख्ने नेपालको निर्णयप्रति भारत असन्तुष्ट

काठमाडौं। सरकारले एक सय रुपैयाँ नोटमा नयाँ चुच्चे नक्सा राख्ने

सन्दीपको मुद्दामा आज सुनुवाइ हुँदै

काठमाडौं । क्रिकेटर सन्दीप लामिछानेको बलात्कारसम्बन्धी मुद्दामा उच्च अदालत पाटनमा