छठका लागि बेहुली झै सिंगारिदै पोखरी

सप्तरी । छठ पर्वका लागि सप्तरीका पोखरीहरू बेहुली झै सिंगारिदै छ । तराई मधेसमा श्रद्धा र भक्तिको साथ चार दिन मनाईने छठ पर्वका लागि पोखरीको घाटहरू सरसफाइ गरेर बेहुली जस्तै श्रृङ्गारिदै छ ।

छठ पर्वका लागि भाई टिकाको भोलिपल्ट देखि नै आफ्नो पायक पर्ने पोखरी ,तलाउ ,नदि लगायत स्थानहरू सफा सुग्घर गरेर श्रृङ्गार्न व्यस्त रहेको राजविराज ७ की बबिता साहले बताईन् ।

उनले भनिन् ,´पोखरी तलाउ सफा गर्ने नैसमय नै वर्षको एक पटक छठ पर्वको समय नै हो।यति बेला यसलाई सफा गरेर चिटिक्क पारिन्छ ।
छठमा सामान राख्ने स्थल आ आफ्नो घाटलाई बेहुली झै सिंगार्ने चलन छ। घाँटक‍ो तयारी अन्तिम चरणमा पुगेको राजविराज ७ का प्रकाश साहले बताए ।

उनले थपे,´  आज बेलुकी उदाउँदो सूर्यलाई अर्घ दिनुपर्ने हुनाले २ बजेसम्म सबैको घाँट बनाउने काम सम्पन्न हुन्छ ।
गत वर्ष कोभिड १९ कोरोना भाईरसका कारण घर घरमै खाल्डो खनी,आरीमा छठ पर्व मनाएका थिए ।
यस वर्ष पुनः पोखरी सामुहिक रूपमा छठ पर्व गर्न पाउँदा सर्वसाधारण हर्षित छन् ।