बुटवल । आयुर्वेदिक औषधीको माग बढ्दै जाँदा गुणस्तरमा पनि ध्यान दिनु पर्ने सरोकारवालाहरुले जोड दिएका छन । कोभिड १९ पछि आयुर्वेदिक औषधीको माग बढ्दै गएको र गुणस्तरिय उत्पादनमा जोड दिन आवश्यकता रहेको उनिहरुले बताएका छन ।
आयुर्वेक तथा बैकल्पिक चिकित्सक विभाग टेकुले २ दिनसम्म रुपन्देहीमा आयोजना गरेको गुणस्तरिय जडिबुटी भण्डार सम्बन्धी सरोकारवालासँग छलफल गोष्ठी कार्यक्रममा बोल्ने बक्ताहरुले आयुर्वेद औषधी उत्पादन गर्ने उद्योगको संख्या बढ्दै जाँदा गुणस्तरिय उत्पादनमा जोड दिनु पर्ने बताएका हुन ।
विभागका औषधी ब्यवस्थापन तथा अनुसन्धान महाशाखाका प्रमुख डा. सन्तोष कुमार ठाकुरले कोरोना महामारी सुरु भएपछि आयुर्वेद औषधीको माग बढ्दै गएको र गुणस्तीय उत्पादनमा जोड दिनको लागि गोष्ठीको आयोजना गरेको जानकारी दिए । गुणस्तरिय औषधी उत्पादनको लागि जडिबुटीको संकलन, भण्डारण र प्रशोधनका विषयम उद्योगी तथा ब्यवसायीसँग छलफल गरिएको उँहाले बताए । डाक्टर ठाकुरले आयुर्वेद औषधीको गुणस्तरियता कायम गर्नको लागि औषधी उत्पादन गर्ने उद्योगी र ब्यवसायी सचेत हुनु पर्नेमा जोड दिए ।
नेपाल आयुर्वेद औषधी उत्पादक संघका वरिष्ठ उपाध्यक्ष चन्द्रकान्त खनालले बैदिक ग्रन्थबाट आयुर्वेदिक औषधीको सुरुवात भएकाले अहिले यसको महत्वको लागि ब्यापाक अनुसन्धानको आवश्यकता रहेकोमा जोड दिए । आयुर्वेदिक औषधका विषयमा धर्मग्रन्थमा उल्लेख भएको र अहिले बैज्ञानिक तरिकाले उत्पादन तथा विरतणको लागि अनुसन्धानको आवश्यकता रहेको बताए । यस्तै नेपाल आयुर्वेद औषधी उत्पादक संघका महासचिब सुमन पाण्डेयले मौलिक चिकित्सक प्रणाली रहेको आयुर्वेदक औषधीलाई गुणस्तरमा ध्यान दिनको लागि गोष्ठी महत्वपूर्ण सावित भएको दाबी गरे ।
औषधी उत्पादन गर्ने उद्योग तथा ब्यवसायी बढ्दै जाँदा यसको अनुसन्धानज र गुणस्तरिय उत्पादनमा ध्यान दिन आवश्यकता रहेको बताए । आयुर्वेक तथा बैकल्पिक चिकित्सक विभाग टेकुका डाक्टर पुन्यश्वोर केशरीले गोष्ठीमा २० उद्योगी र १० ब्यवासयीको सहभागिता रहेको जानकारी दिए । कार्यक्रममा आयुर्वेद विज्ञले ६ वटा कार्यपत्र प्रस्तुत गरेका थिए । उनिहरुले आयुर्वेद औषधीको अनुसन्धान र उत्पादनमा कसरी गुणस्तरियता कायम गर्ने सकिन्छ भन्ने विषयमा कार्यपत्रबाट जानकारी दिएका थिए । कार्यक्रमको उद्घाटन लुम्बिनी प्रदेशका स्वास्थ्य परिवार कल्याण तथा जनसंख्या राज्यमन्त्री बिमला कुमारी वलीले उद्घाटन गरेकी थिइन ।
प्रतिक्रिया