कांग्रेस महाधिवेशन : रुपन्देही–३ को क्षेत्रीय प्रतिनिधिको मतदान प्रक्रिया स्थगित

बुटवल । नेपाली काँग्रेसको १४ औं महाधिवेशन अन्तरगत रुपन्देही–३ को क्षेत्रीय प्रतिनिधिको मतदान प्रक्रिया स्थगित भएको छ ।

देउवा र पौडेल समुहबीच कुरा नमिलेपछि अर्को सूचना जारी नभएसम्मका लागि मतदान प्रकिया स्थगित भएको हो ।

क्षेत्रीय प्रतिनिधि निर्वाचनका लागि संस्थापन पक्ष इतरका उम्मेद्वार तथा प्रतिनिधिहरुले मंगलबार मात्रै मतदान गर्ने अडान लिएका थिए भने भने संस्थापन पक्षले सोमबार आजै मतदान अघि बढाउने अडानमा रहेका थिए ।

काँग्रेसको महाधिवेशन अन्तरगत नै प्रदेशको निर्वाचनमा आइतबार राति भएको झडपलाई मध्यनजर गरी दिनमा मात्रै निर्वाचन प्रक्रिया अघि बढाउनु पर्ने उनीहरुको माग रहेको थियो ।

आइतबार राती मतगणना भइरहेको समयमा संस्थापन पक्ष देउवा समूहका व्यक्तिहरुले पौडेल समूहका नेताहरुलाई कुटपिट गरेका थिए । सोही घटना दोहोरीले डरका कारण दिनको समयमा मात्रै निर्वाचनको प्रक्रिया अघि बढाउनु पर्ने पौडेल पक्षको माग रहेको छ ।

रुपन्देही क्षेत्र नम्बर ३ बाट संस्थापन पक्ष देउवा समूहकी पुस्पा थरुनीको प्यानलले उम्मेद्वारी दर्ता गराएको छ भने पौडेल समूहबाट रमा अर्यालको नेतृत्वमा उम्मेद्वार दर्ता भएको छ ।