धनगढी । सँस्कृती, पर्यटन तथा नागरिक उड्डयन मन्त्री प्रेम आले सवार गाडी दुर्घटनामा परेको छ। कैलालीको धनगढीमा भएको दुर्घटनामा मन्त्री आले सवार गाडीलाई क्षति पुगेपनि उनी सकुशल रहेको प्रहरीले जनाएको छ । मन्त्री आले चढेको सु.प. प्रदेश ०१ ०० १ झ ३३३ गाडीलाई बा ४ च १३७७ नम्बरको गाडीले ठक्कर दिएको हो।
धनगढी बिमानस्थलबाट ६ लेन सडक क्रस गर्दै गरेको अवस्थामा आलेको गाडीलाई अर्को गाडीले ठक्कर दिएको हो । गाईलाइ ठक्कर दिएर अनियन्त्रित भएको कारले मन्त्रीको गाडीलाई ठक्कर दिएको प्रदेश ट्राफिक प्रहरी कार्यालय अत्तरियाले जानकारी दिएको छ ।
आफु सवार गाडी दुर्घटनामा परेपछि मन्त्री आले अर्को गाडी प्रयोग गरेर महेन्द्रनगर लागेका थिए । गाडी चालक र गाडी प्रहरी नियन्त्रणमा रहेको प्रहरीले जनाएको छ।
प्रतिक्रिया