जंगली हात्तीको आक्रमणबाट झापामा एक वृद्धको मृत्यु

झापा । जंगली हात्तीको आक्रमणबाट दमक नगरपालिका ३ गोलाटारका ६३ वर्षीय गणेशप्रसाद अधिकारीको मृत्यु भएको छ ।

गएराति ८ बजे घर नजिकैको मकै बारीमा पानी लगाउन गएका वेला गणेशलाई हात्तीले आक्रमण गरेको जिल्ला प्रहरी कार्यालयले जनाएको छ । जिल्ला प्रहरी कार्यालय झापाका डीएसपी वसन्त पाठकका अनुसार उनको घटनास्थलमै मृत्यु भएको हो ।

आक्रमण गर्ने हात्ती हुम्सेदुम्से सामुदायिक वनबाट निस्किएको प्रहरीले बताएको छ । यो क्षेत्रमा दिनहुँ जसो गाउँमा हात्ती निस्किने गरेको स्थानीयबासी बताउँछन् ।