काठमाडौं । अफ्रिकी राष्ट्र मौरिससविरूद्धको पहिलो मैत्रीपूर्ण खेलमा नेपाल विजयी भएको छ । त्रिपुरेश्वरस्थित दशरथ रंगशालामा शनिबार भएको खेलमा नेपालले १-०को जित निकालेको हो ।
नेपालका लागि विमल घर्तीमगरले गोल गरे । पहिलो हाफ गोलरहित बराबरीमा खेलेको नेपालका लागि बिमलले नवौँ मिनेटमा गरेको प्रहार मौरिससका गोलकिपर केभिनलाई छक्याउँदै गोलमा परिणत भएको हो ।
पहिलो हाफमा सुमन लामा र अञ्जान बिष्टका प्रहार गोलमा परिणत हुन नसकेपछि नेपाली टिमका लागि मौका गुमेको थियो । उता मौरिससले पनि नेपालबिरुद्ध खेल बराबरी गर्ने कयौँ प्रयास गरे पनि सफल हुन सकेन ।
सेप्टेम्बरमा भारतसँग घरेलु मैदानमा पराजय व्यहोरेको नेपालले मैत्रीपूर्ण खेलमा ११ वर्षपछि जित हात पारेको हो ।
कोभिड-१९ महामारीका कारण एक तिहाइ दर्शकहरुलाई मात्र दशरथ रंगशालामा प्रवेश दिइएको थियो भने सबैलाई अनिवार्य मास्क लगाउन भनिएको थियो ।
मौरिससबिरुद्ध घरेलु मैदानमा नेपाली टिमले मंगलबार अर्को खेल खेल्दैछ ।
प्रतिक्रिया