बुटवल । भारतको नौटनवामा अलपत्र परेका २ सय बढी नेपालीलाई तिलोत्तमा नगरपालिकाले ब्यवस्थापन गरेर क्वारेन्टाईनमा राख्ने भएको छ ।
भारतमा अलपत्र अवस्थामा रहेको उनीहरुलाई राख्नका लागि आज बिहानै देखि तिलोत्तमाको माधवलिया स्थित माधवलियमा माबीमा धमाधम क्वारेन्टाईन बनाउने काम भईरहेको छ ।
बिगत लामो दिनदेखि भारतको नौटनवामा रहेका उनीहरुलाई भारतको स्थानीय प्रशासनले खान बस्न दिन नसकिने बताएपछि उनीहरु अलपत्र पर्ने अवस्था सिर्जना भएको थियो ।
लुकिछिपी आउने क्रम बढेपछि अझै जोखिम बढ्ने देखिएपछि मुलबाटोबाटै भित्राएर क्वारेन्टाईनमा राख्न लागिएको तिलोत्तमा नगरपालिकाका प्रमुख बासुदेव घिमीरेले बताउनु भयो ।
भारतले लकडाउनलाई खुकुलो बनाउंदै रेल सेवा सञ्चालनमा ल्याएपछि बिभिन्न शहरहरुमा कामबाट निकालिएका नेपालीहरु घर फर्कने क्रम बढ्न सक्ने देखिएको छ । आधिकारीक नाकाबाट प्रवेश नदिंदा हरेक दिन लुकिछिपी नेपाल भित्रिने क्रम पनि बढेको छ ।
प्रतिक्रिया