काठमाडौंको बालाजुमा बसको ठक्करबाट दुई जना पैदल यात्रुको मृत्यु

काठमाडौं । बसको ठक्करबाट काठमाडौंको बालाजुमा दुई जना पैदल यात्रुको मृत्यु भएको छ।

बालाजुको गंगा हल अगाडि बिहीबार बिहान ६ बजेतिर मिनिबसले पैदल यात्रुलाई ठक्कर दिएको थियो । घाइते अवस्थामा रहेका उनीहरुलाई उपचारको लागि अस्पताल लैजाँदै गर्दा बाटैमा मृत्यु भएको प्रहरीले जनाएको छ । मृत्यु हुनेमा रसुवा घर भएका १८ वर्षीय विकास तामाङ रहेका छन् । अर्की ५०(५५ वर्षीया महिलाको नाम खुल्न अझै नसकेको महानगरीय ट्राफिक महाशाखाले जनाएको छ । पैदल यात्रुले बाटोा काट्ने क्रममा बसले ठक्कर दिएको थियो ।

ठक्कर दिएलगत्तै बस फरार भएको पनि प्रहरीले जनाएको छ । हालसम्म सो बस र ड्राइभर फेला परेका छैनन भने बस नम्वर पनि खुल्न सकेको छैन । घटनाबारे थप अनुसन्धान भइरहेको प्रहरीले जनाएको छ।