काठमाडौं । सत्तारुढ गठबन्धनको बैठक बस्नुअघि प्रधानमन्त्री शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल प्रचण्डबीच भेटवार्ता भएको छ ।
गठबन्धनका दुई शीर्ष नेताबीच बिहीबार बिहान भेटवार्ता भएको हो । यससँगै दिउँसो ३ बजे बस्ने भनिएको गठबन्धनको बैठक साँझ ५ बजेका लागि सरेको छ ।
दुई नेताबीच एमसीसी र गठबन्धनको भविष्यको विषयमा साझा सहमति कसरी खोज्न सकिन्छ भनेर छलफल भएको छ । यद्यपी, दुवैका आआफ्ना अडान अहिलेसम्म कायमै रहेका छन् । सहमतिका लागि अनौपचारिक छलफल गर्न बैठक दुई घण्टा ढिलो सारिएको बताइएको छ ।
प्रधानमन्त्री एवं कांग्रेस सभापति देउवा प्रतिनिधिसभाको भोलिको बैठकमा एमसीसीलाई जसरी पनि टेबल गर्ने पक्षमा छन् । तर, माओवादी अध्यक्ष प्रचण्ड भने सहमति विना टेवल गर्न नहुने अडानमा छन् । एमसीसीलाई एकपक्षीय ढंगले अघि बढाए सरकारबाटै बाहिरिने निर्णय माओवादी संसदीय दलले गरिसकेको छ । प्रधानमन्त्री देउवा भने गठबन्धन भत्किनै पर्यो भने पनि एमसीसी पारित गर्नुपर्ने अडानमा छन् ।
प्रतिक्रिया