पाल्पाको दोभानमा माछा मार्ने क्रममा करेन्ट लागेर २ दाजुभाईको मृत्यु

पाल्पा । पाल्पाको दाभानमा खोलामा करेन्ट लगाएर माछा मार्ने क्रममा २ दाजुभाईको करेन्ट लागेर मृत्यु भएको छ । बिहिबार साँझ दोभान स्थित खोलामा बिद्युतको तार जोडेर करेन्ट लगाई माछा मार्ने क्रममा करेन्ट लागेर एकाघरका २ जना दाजुभाईको मृत्यु भएको पाल्पा प्रहरीले जनाएको छ ।

मृत्यु हुनेमा स्थानीय २० वर्षिय सुरज सुनार र १४ वर्षिय राकेस सुनार रहेका छन् । तिनाउ गाँउपालिका १ बेलदमारका पदम बहादुर चिदीको घरबाट बिद्युतको तार जोडेर दोभान खोलामा करेन्ट लगाउने क्रममा करेन्ट लागेर दुबैजनाको घटनास्थलमै मृत्यु भएको जिल्ला प्रहरी कार्यालय पाल्पाका प्रवक्ता रामेश्वर त्वातीले जानकारी दिए ।