काठमाडौं । मन्त्रिपरिषद्को बैठकले अमेरिकी सहायता मिलेनियम च्यालेन्ज कर्पोरेसन (एमसीसी)को विषयमा संसदले पारित गरेको व्याख्यात्मक घोषणा ग्रहण गरेको छ । प्रतिनिधिसभाको बैठकबाट बहुमतले पारित गरेको घोषणालाई ग्रहण गर्नका लागि संघीय संसद भवनभित्रै बसेको मन्त्रिपरिषदको बैठकले एमसीसीको व्याख्यात्मक घोषणाको ग्रहण गरेको हो ।
आज बसेको प्रतिनिधिसभा बैठकमा एमसीसी सैद्धान्तिक छलफल सकिए लगत्तै मन्त्रिपरिषदको बैठक बसेको थियो । ६ मिनेट बसेको बैठकले व्याख्यात्मक घोषणा ग्रहण गरेपछि आजै दोस्रो चरणमा बस्ने संसद बैठकबाट एमसीसी सम्झौता संसदबाट अनुमोदन गराउने सरकारको तयारी छ ।
प्रतिक्रिया