काठमाडौ । सानिमा बैंकको मोबाइल बैंकिंङ्गबाट खल्ती डिजिटल वालेटमा पैसा राख्न सकिने भएको छ ।
बैंकका ग्राहकले सानिमा सजिलो ई बैंकिङबाट खल्ती डिजिटल वालेटमा सजिलै फन्ड लोड गर्ने र सानिमा सजिलो ई बैंकिङ एप मार्फत चेक आउट गर्न सक्ने बैंकले जनाएको छ।
यो साझेदारीसँगै सानिमा बैंकका ग्राहकहरूले अब खल्ती वालेटमा बिना झन्झट सिधै बैंकको सानिमा सजिलो ई बैंकिङ्ग एप खोलेर खल्तीमा पैसा राख्न सक्नेछन् ।
खल्तीका प्रमुख कार्यकारी अधिकृत विनय खड्काले भने “हाम्रा ग्राहकहरूलाई सजिलो फण्ड मोबिलिटीमा जोड्न यो हाम्रो लागि अवसर हो। यो पार्टनरसिपले समस्त बैंक तथा वालेटको ग्राहकवर्गमा सरल र सहज भुक्तानीको सेवा दिई डिजिटल नेपालको यात्रामा सहयोग पुऱ्याउनेछ भन्ने आशा लिएका छौं ।”
प्रतिक्रिया