काठमाडौं । आखिरमा जे नहोस भनिएको थियो, त्यही भएको छ । नेपालमा कोरोना भाइरसको संक्रमणबाट पहिलो मृत्यु भएको छ ।
धुलिखेल अस्पतामा उपचारका लागि आएकी सिन्धुपाल्चोक बाह्रविसेकी २९ वर्षीय महिलाको कोरोना भाइरसको संक्रमणबाट मृत्यु भएको स्वास्थ्य तथा जनसंख्या मन्त्रालयले पुष्टि गरेको छ ।
उच्च ज्वरो र श्वासप्रश्वासको समस्यासहित आएकी ती महिलाको धुलिखेल अस्पतालमा ल्याएको केहीबेरमै निधन भएको थियो ।
मृतक महिलाको आरडीडी परीक्षण पोजेटिभ देखिएपछि पुनः परीक्षणका लागि गरिएको पीसीआर परीक्षण शंकास्पद देखिएपछि शनिबार राष्ट्रिय जनस्वास्थ्य प्रयोगशालामा गरिएको थियो । स्वाब परीक्षणको रिपोर्ट पनि पोजेटिभ आएको हो ।
ज्वरो एवं स्वासप्रस्वासमा गम्भीर समस्या देखिएपछि ती महिलालाई बिहीबार साँझ अस्पताल पुर्याइएको थियो । उनी ९ दिनअघि त्रिवि शिक्षण अस्पताल महाराजगन्जमा सुत्केरी भएकी थिइन । त्यसपछि घरपुगेकी उनी बिरामी परेपछि स्थानीय स्वास्थ्यकेन्द्रमा उपचार गर्दा निको नभएपछि धुलिखेल अस्पताल लगिएको थियो ।
तर, अवस्था अत्यन्तै चिन्ताजनक भएकी उनको भेन्टिलेटरमा राख्ने व्यवस्था मिलाउँदा मिलाउँदै उनको निधन भएको थियो।
प्रतिक्रिया