काठमाडौं । सत्तारूढ पाँच दलीय गठबन्धनको बैठक बसिरहेको छ ।
प्रधानमन्त्री निवास बालुवाटारमा बिहान ९ बजेपछि बसिरहेको बैठकमा स्थानीय तह निर्वाचनमा तालमेलको मोडालिटी तयार गर्नेबारे छलफल भैरहेको छ ।
प्रधानमन्त्री शेरबहादुर देउवा भारतको दुई दिने औपचारिक भ्रमण गरेर स्वदेश फर्किएपछि गठबन्धनको बैठक बसेको हो ।
यसअघि १७ चैतमा बसेको गठबन्धनको बैठकले निर्वाचनमा तालमेल गर्ने निर्णय गरेको थियो । त्यसका लागि प्रदेश र जिल्ला र पालिकास्तरमा समिति बनाउने निर्णय पनि भएको थियो । आजसम्म समितिलाई प्रतिवेदन बुझाउन भनिएको थियो ।
प्रतिक्रिया