काठमाडौं । सत्तारुढ गठबन्धनबीच ११ वटा उपमहानगरपालिकाको नेतृत्व भागवण्डामा सहमति भएको छ । दुई दिनदेखि जारी गठबन्धनको निरन्तर बैठकले ११ वटै उपमहानगरको भागवण्डामा सहमति गरेको हो ।
गएराति मध्यरातसम्म बसेको बैठकमा नेपालगन्ज र जनकपुरधारम उपमहानगरका विषयमा सहमति जुट्न नसकेपछि बैठक निस्कर्षबिहीन बनेको थियो । अन्य ९ वटा उपमहानगरको नेतृत्व भागवण्डा भएपनि जनकपुर र नेपालगन्जमा जनता समाजवादी पार्टी जसपाले दाबी नछोडेपछि बैठक सकिएको थियो । तर, अब नेपालगन्जको नेतृत्व कांग्रेसले गर्ने सहमति भएको छ ।
गठबन्धनका शीर्ष नेताहरुको बैठकले जनकपुरको नेतृत्व जसपाले गर्ने र नेपालगन्जको नेतृत्व कांग्रेसले पाउने गरी सहमति हुटाएको हो ।
यससहमितसँगै अब ६ वटै महानगर र ११ वटा उपमहानगरको नेतृत्वको भागवण्डा टुंगिएको छ । सहमतिपत्रमा गठबन्धनका शीर्ष नेताहरुले केही बेरमै हस्ताक्षर गर्दैछन् ।
प्रतिक्रिया