बुटवल । सुरक्षित यात्रा अभियान नेपालले दुर्घटना सचेतिकरणका लागि प्रदेश सांसद र पत्रकारलाई हेल्मेट प्रदान गरेको छ। शनिबार एक कार्यक्रमको आयोजना गरी नासा फाउण्डेसनबाट प्राप्त १२ थान हेल्मेट सुरक्षित यात्रा अभियान नेपालका सचिव दिनेश पाण्डेले सांसद र पत्रकारलाई प्रदान गरेका हुन।
लुम्विनी प्रदेशका प्रदेशसभा सदस्यहरु माला गोतामे, पुष्पा चौधरी, कमला विक, दिपा विक सहित पत्रकारहरुलाई प्रदान गरिएको हेल्मेट डव्लुएचओ ले गुणस्तर प्रमाणित गरेको सचिव पाण्डेले बताए । दुर्घटना न्युनिकरण सम्बन्धी काम गर्ने नाटाको सहयोगमा प्रदान गरिएको हल्मेट गुणस्तरिय हुनुका साथ यस्तो हेल्मेट खरिद गर्न नपाईने उनले बताए।
हेल्मेट प्रदान कार्यक्रममा बोल्दै सांसद माला गोतामेले दुर्घटना न्यूनिकरणको अभियान अन्तर्गत मानिसलाई सुरक्षित राख्न हेल्मेटको प्रयोग अति आवश्यक रहेको भन्दै गुणस्तयिर हेल्मेटको प्रयोग सवैले गर्नुपर्नेमा जोड दिईन्।
विगत १० वर्ष देखि आफुले पनि दुई पांग्रे सवारी चलाउने गरेको भन्दै कम गति र ट्राफिक नियमको पालना गरे दुर्घटनामा कमी आउने उनले बताइन् ।
कार्यक्रममा सांसदहरु पुष्पा चौधरी, कमला विक लगाएतले सार्वजनिक सडकमा मोटरसाईल र स्कुटर चलाउँदाका क्रममा देखिएका चुनौती समस्या र अनुभव साटेका थिए।
प्रतिक्रिया