बुटवल । स्थानीय तह निर्वाचनमा रुपन्देहीमा ७० प्रतिशत मत खसेको जिल्ला निर्वाचन कार्यालयले आंकलन गरेको छ । मतदान सकिएपनि मत पेटिका आउने क्रम जारी रहेकाले मत खसेको वास्तविक तथ्यांक आइनसकेको मुख्य निर्वाचन अधिकारी अयोध्या प्रसाद भण्डारीले बताए ।
भण्डारीका अनुसार ७० प्रतिशतको हाराहारीमा मत खसेको छ । रुपन्देहीमा सबैभन्दा पहिला सिद्धार्थनगर नगरपालिकामा मतगणना सुरु हुन थालेको समेत भण्डारीले जानकारी दिए । सम्भवत १२ बजे सम्ममा १६ वटै पालिकाहरुमा मतगणना सुरु हुन्छ । उनले भने ।
कतिपय पालिकाहरुमा मतपेटिका पुग्दै छन् भने कतिपय पालिकाहरुमा सर्वदलीय बैठकको तयारी गरिएको बताइएको छ । रुपन्देहीमा ६ लाख ३२ हजार ३ सय ६० मतदाता छन् ।
प्रतिक्रिया