जर्मन बुन्डेस लिगा अन्तर्गत शनिबार राति बन्द रंगशालामा गरिएको भनिएको खेलमा १३ हजार दर्शक उपस्थित भएका छन् ।
खेलमा बोरुसिया मोन्चेन ग्लाडवाच र वायर लिभरकुसेनबीच प्रतिस्पर्धा भएको थियो ।
तर, नझक्किनुस है । ति वास्तविक दर्शक थिएनन, कार्टुनका दर्शक मात्रै थिए ।
कोरोना भाईरसको महामारी बीच सुरु गरिएको लिग बन्द रंगाशालामा भनिएपनि घरेलु टोली मोन्चेन ग्लाडवाचले १३ हजार समर्थक मैदान उतारेको थियो ।
मोन्चेन ग्लाडवाचको मैदानमा भएको खेलमा वायर लिभरकुसेनले ३–१ को जित निकालेको थियो ।
घरेलु टोलीले आफ्नो टिमको मनोवल बढाउन कार्टुन दर्शक उतारेको थियो ।
लिभरकुसेनका लागि केइ हार्भटेजले दुई गोल गर्दा स्भन बेन्डरले एक गोल गरेका थिए । घरेलु टोलीका मार्कुस थुरामले एक गोल फर्काए ।
लिगमा वास्तविक दर्शकलाई भने प्रवेश निषेध गरिएको छ ।
प्रतिक्रिया