बुटवल। रुपन्देहीको भैरहवास्थित मालपोत कार्यालयका एक कर्मचारी दुई लाख रुपैयाँ घुससहित पक्राउ परेका छन् । अख्तियार दुरुपयोग अनुसन्धान आयोगले मालपोत कार्यालय, भैरहवामा कार्यरत नायब सुब्बालाई घुस रकम सहित पक्राउ परेका हुन् ।
अख्तियारको बुटवल कार्यालयबाट खटिएको टोलीले मालपोत कार्यालय, भैरहवामा कार्यरत नायब सुब्बा ओमबहादुर खाम्चा मगरलाई घुस रकमसहित पक्राउ गरेको अख्तियार दुरुपयोग अनुसनधान आयोगले जनाएको छ । अख्तियारका अनुसार सेवाग्राहीको जग्गा सम्बन्धी काममा (सर्जमिन मुचुल्का) का लागि सहजीकरण गरिदिने भन्दै उनले घुस माग गरेका थिए ।
विशेष सूचनाका आधारमा पुगेको अख्तियारको टोलीले उनलाई भैरहवा बजारबाटै रंगेहात पक्राउ गरेको बताइएको छ ।उनलाई नियन्त्रणमा लिएर थप अनुसन्धान प्रक्रिया अगाडि बढाइएको अख्तियारले जनाएको छ ।
प्रतिक्रिया