काठमाडौ । विश्वभर त्रास फैलाइरहेको कोरोना भाइरस (कोभिड–१९) बाट संक्रमित हुनेहरुको संख्या यो समाचार तयार पार्दासम्म ३ लाख ८ हजार २ सय ४५ पुगेको छ ।
कोरोना भाइरसका सम्बन्धमा तथ्यांकीय विवरण प्रस्तुत गर्दै आएको वर्ल्डोमिटरका अनुसार उक्त भाइरसको संक्रमण सुरु भएयता आइतबारविहानसम्म ती मानिसहरु संक्रमित भएका हुन् ।
उक्त विवरणमा संक्रमितमध्ये १३ हजार ६७ जनाको मृत्यु भइसकेको जनाइएको छ । त्यस्तै ९५ हजार ८ सय २६ को सफल उपचार भएको छ ।
हाल विश्वमा १ लाख ९९ हजार ३ सय ५२ कोरोनाका केसहरु सक्रिय रहेकामा १ लाख ९० हजार ५३ केसहरु मध्यम अवस्थाका रहेको पनि जनाइएको छ ।
सक्रिय केस मध्ये ९ हजार २ सय ९९ को अवस्था भने गम्भीर रहेको छ ।
प्रतिक्रिया