एजेन्सी । कोरोना संक्रमणको आशंकामा १४ दिन क्वारेन्टाईनमा बसेर मात्रै नपुग्ने भएको छ । भारतको चंडिगढमा यस्तै एउटा अचम्म लाग्दो उदाहरण देखिएको छ ।
त्यहाँका एक युवामा १४ दिने क्वारेन्टाईनको अवघि पुरा गरेपछि कोरोनाको लक्षण देखियो र परीक्षणपछि संक्रमण पनि पुष्टि भयो ।
दुबईबाट मार्च ११ मा चण्डिगढ फर्केका २२ बर्षीय युवा नियमानुसार १४ क्वारेन्टाइनमा बसे । तर १५औं दिनमा उनलाई उच्च ज्वरोले छोप्यो ।
परिक्षण गर्दा कोरोना पोजिटिभ देखियो । यो घटनाले उनका घरपरिवार मात्रै हैन, चिकित्सकहरुलाई पनि अचम्भित तुल्याइदिएको भारतीय सञ्चार माध्यमले जनाएका छन ।
यो घटनाले १४ दिने क्वारेन्टाईनको अवधिसम्म कोरोनाको कुनै लक्षण देखिएन भनेर ढुक्क हुने अवस्था छैन भन्ने प्रमाणित भएको छ ।
यो घटनापछि गभर्मेन्ट मेडिकल कलेज एण्ड हस्पिटलका डा. वि.एस. चौहानले क्वारेन्टाईनको अवधी बारे पुनर्विचार गर्नुपर्ने प्रतिकृया दिएका छन ।
प्रतिक्रिया