बुटवल । आईतवार (हिजाे) बुटवल धागो कारखानामा रहेको बुटवल कोरोना विशेष (अस्थायी) अस्पतालमा क्वारेन्टाईन बसेका ३३ बर्षिय बाबुराम थापा क्षेत्रीको रिपोर्ट नेगेटिभ देखिएको छ ।
रोजगारीको लागि दुबई गएका क्षेत्री चैत्र ६ गते राती दुबईबाट रुपन्देहीको सैनामैना नगरपालिका वडा नं. ४ सिसौडांडा स्थीत भाडामा बस्दै आएको घरमा पुगेका थिए । दुबईबाट आउंदा नै सामान्य ज्वरो आएका क्षेत्री घर आईसकेपछि पनि मेडिकल स्वास्थ्यचौकी हुंदै चैत्र १३ गते बुटवल धागो कारखानामा रहेको बुटवल कोरोना विशेष (अस्थायी) अस्पतालमा पुगेका थिए ।
सैनामैना मूर्गियादेखि विद्युतिय रिक्सामार्फत आईसोलेसन अस्पतालमा पुगेका उनलाई १३ गते सांझ नै भर्ना गरि राखिएको थियो । अस्पतालमा गएपनि ज्वरो आउने र स्वासफेर्न गाह्रो भईरहेको अवस्थामा उनको आईतवार विहान करिब ११ बजेतिर मृत्यु भएको थियो ।
उनको मृत्युको कारण भने खुलेको छैन परिवारलाई सब बुझाउने तयारी गरिएको कोरोना बिशेष अस्पतालका सुचना अधिकारी डा. बिष्णु गौतमले बताउनुभयो ।
१३ गते अस्पताल पुगेपनि उनको स्वावभने १६ गते विहान मात्र परिक्षणको लागि काठमाण्डौ पठाईएकोमा सोमबार रिपोर्टमा कोरोना नेगेटिभ देखिएको अस्थायी कोरोना विशेष आइसोलेसन अस्पतालका सूचना अधिकारी डा. विष्णु गौतमले जानकारी दिनुभयो ।
मृतक क्षेत्रीको स्वावको पहिलो परिक्षणमा कोरोना नेगेटिभ देखिएपछि दोश्रो परिक्षण गरिएकोमा दोश्रो रिपोर्टमा पनि कोरोना नेगेटिभ देखिएको डा. गौतमले जानकारी दिनुभयो ।
प्रतिक्रिया