भैरहवा । रुपन्देहीको सिद्धार्थनगर नगरपालिका वडा नम्बर ४ स्थित एअरपोर्टका युवाहरुले सुरक्षाकर्मीहरुलाई पञ्जा, दिवा खाजा तथा पानी वितरण गरेका छन् ।
कोराना भाइरस विश्वव्यापी रुपमा फैलिएको र नेपाले पनि लकडाउन गर्दा सुरक्षामा खटिएका सुरक्षाकर्मीहरुलाई मध्यनजर गर्दै पञ्जा, खाजा तथा पानी वितरण गरिएको स्थानीय कृष्ण बहादुर गुरुङले बताउनुभयो ।
सीमा नाका बेलहियासहित भैरहवाका विभिन्न स्थानमा नागरिकको सुरक्षामा खटिएका नेपाल प्रहरी, सशस्त्र प्रहरी र नेपाली सेना गरी ६० जनालाई उक्त सामाग्री वितरण गरिएको गुरुङले जानकारी दिनुभयो ।
कृष्ण बहादुर गुरुङसहित हुकुम गुरुङ, ज्ञानेश गुरुङ, भोला गुरुङ सामाग्री वितरण कार्यमा सहभागिता रहेको थियो ।
प्रतिक्रिया