१६ चैत्र २०८०, शुक्रबार | March 29, 2024

महाकालीपारि अलपत्र परेका नेपालीलाई भारतले क्वारेन्टाइनमा राख्ने



दार्चुला । दार्चुलाको भारतीय सीमावर्ती क्षेत्र धार्चुलामा अलपत्र परेका नेपालीहरुको व्यवस्थापन भारतीय पक्षले गर्ने भएको छ ।

नेपालमा रहेको भारतीयहरुको नेपालले र भारतमा रहेका नेपालीहरुको भारत सरकारले व्यवस्था गर्ने सहमतिअनुसार धार्चुला क्षेत्रमा रहेका करिब ५०० नेपाली नागरिकलाई भारतीय पक्षले क्वारेन्टाइनमा राख्ने भएको हो ।

नेपाल र भारतमा लकडाउनको अवधि पुरा नभएसम्म वा नेपाल र भारत सरकारबीच अर्को सहमति नभएसम्म नेपालीहरुलाई भारतमै क्वारेन्टाइनमा राखिने भारतको धार्चुला क्षेत्रका उपजिल्ला अधिकारी अनिलकुमार शुक्लले बताउनुभयो ।

दार्चुला क्षेत्रमा चार ठाउँ र जौलजिबीमा एक ठाउँ गरी नेपालीहरुलाई पाँच ठाउँमा राखिने छ । धार्चुला क्षेत्रमा रहेको मिनि स्टेडियम, बालुवाकोटमा रहेको जिआइसीको भवन, गलातिमा रहेको फायर बिग्रेटको नयाँ भवन, महाकाली नदी किनारमा रहेको गौसाला र जौलजिवी क्षेत्रमा रहेको राम लिला मैदानमा नेपालीहरुको व्यवस्थापन गरिने उपजिल्ला अधिकारी अनिलकुमार सुक्लले बताउनुभयो । आज भने मिनि स्टेडियम, गलाती र महाकाली नदी किनारमा बनेको गौसालामा नेपालीहरुलाई राखिने छ ।

उपजिल्ला अधिकारी शुक्लले नेपाल सरकारका प्रतिनिधिहरुलाई पटकपटक नेपालीहरुलाई आफ्नो देश लैजान आग्रह गर्दा पनि नसुनेको बताउनुभएको छ । यता दार्चुलाका प्रमुख जिल्ला अधिकारी यदुनाथ पौडेलले नागरिकहरुले लक डाउनको अर्थ नबुझेर वा पुल खुल्दै छ भन्ने हल्लाका पछाडि लागेर दार्चुलामा जम्मा भएको बताउनुभयो । उहाले नागरिकहरुलाई संयमित भएर घरमा बस्न आग्रह गर्नुभएको छ ।

भारतीय क्षेत्रमा मजदुरी गर्न गएका नेपालीहरुले पनि जहाँ छ त्यही बस्नु पर्ने र उनीहरुको व्यवस्था भारत सरकारले गर्ने प्रजिअ पौडेल बताउँछन् ।

प्रकाशित मिति : १७ चैत्र २०७६, सोमबार  ९ : ०९ बजे

बुटवल उपमहानगरमा ज्येष्ठ नागरिक र फरक क्षमता भएका व्यक्तिको घरदैलोमा पुगेर स्वास्थ्य परीक्षण

बुटवल । बुटवल उपमहानगरपालिकामा ज्येष्ठ नागरिक र फरक क्षमता भएका

एन आई सी एशिया बैंकद्वारा ‘बिराट गोल्ड कप फुटबल’ प्रायोजन

काठमाडौ । एन आई सी एशिया बैंकले कोशी प्रदेशमा आयोजना

कांग्रेस सांसद टेकबहादुर गुरुङको निलम्बन फुकुवा

काठमाडौं। नेपाली कांग्रेसका सांसद टेकबहादुर गुरुङको निलम्बन फुकुवा भएको छ

सुदूरपश्चिम सरकार छोड्न नाउपा अध्यक्ष रञ्जिताको लिखित निर्देशन

काठमाडौं । नागरिक उन्मुक्ति पार्टी (नाउपा)की अध्यक्ष रञ्जिता श्रेष्ठले सुदूरपश्चिम

लोकेश बमको शतकका बाबजुद आयरल्याण्ड वोल्भ्ससँग नेपाल पराजित

काठमाडौं। आयरल्याण्ड वोल्भ्सले नेपाल ए लाई पराजित गरेको छ ।