कोरोना भाइरसको महामारीको समयमा राजनीति गर्नु राम्रो होइन : डब्ल्युएचओ

एजेन्सी । विश्व स्वास्थ्य संगठनले विश्वका नेतालाई कोरोना भाइरसविरुद्ध लड्नुपर्ने बेलामा राजनीति नगर्न आग्रह गरेको छ । डब्ल्यूएचओका महानिर्देशक टेड्रोस अधानम घेब्रेससले नियमित पत्रकार सम्मेलनमा कोरोना महामारीलाई राजनीतिकरण गरिएको बताए ।

अमेरिका र चीनले नेतृत्वदायी भूमिका निर्वाह गर्नुपर्नेमा आरोप प्रत्यारोप गरेको भन्दै उनले यस्तै राजनीतिकरण भएमा धेरै मानिसको मृत्य हुनसक्ने चेतावनी दिएका छन् ।

अमेरिकी राष्ट्रपति डोनाल्ड ट्रम्पले विश्व स्वास्थ्य संगठन चीन केन्द्रित भएको भन्दै आलोचना गर्दै डब्ल्यूएचओलाई दिँदै आएको कोष पनि रोक्ने चेतावनी दिएका थिए ।

महानिर्देशक घेब्रेससले आफूमाथि विभिन्न प्रकारका धम्की र आलोचना आइरहेको पनि जानकारी गराएका छन् ।