१२ बैशाख २०८१, बुधबार | April 24, 2024

बुटवलमा लकडाउन : दलको एकदिने नेपालबन्द कि राज्यको दिउंसो लाग्ने कर्फु ?



बुटवल । सरकारले मुलुक भरी लकडाउन अर्थात बन्दाबन्दीको घोषणा गरेपनि प्रदेश नँबर ५ को अस्थायी राजधानी बुटवलमा भने सरकारको लकडाउन अमुक राजनितीक पार्टीको नेपाल बन्द वा स्थानीय प्रशासनको निश्चित समयका लागि लगाईएको कर्फू जस्तै देखिएको छ ।
सरकारले कोरोना भाइरसको रोकथाम तथा नियन्त्रण गर्न भन्दै मुलुकभरी लकडाउनको घोषणा गरेको छ । गत चैत्र ११ गतेबाट सुरु भएको लकडाउन कतिपय स्थानहरुमा राम्रैसंग पालना भए पनि प्रदेश नम्बर ५ को अस्थायी राजधानी बुटवलमा भने अत्यन्त फितलो देखिएको छ । लकडाउनको पालना गर्दै घर भित्रबाट बाहिर ननिस्कनुपर्नेमा बुटवलमा अधिकांस नागरिकहरु दलको नेपाल बन्द जस्तै बिहान र सांझ बजार घुम्नकै लागि निस्केने गरेकाछन् ।

राज्यले अत्यावश्यक वस्तु बाहेकका सबै ब्यापार ब्यवसाय देखि उद्योग कल कारखाना बन्द गर्न आह्वान गरेपनि बुटवलमा मदिरा पसल देखि कष्टमेटीक पसल र रेडिमेड कपडाका पसलहरुले समेत ब्यापार ब्यवसाय गरिरहेकाछन् । तरकारी किन्ने बहाना, खाद्यान्ह किन्ने बहाना, औषधी किन्ने बहाना, फलफुल किन्ने बहाना हरेक बहानामा नागरिकहरु घर बाहिर निस्केको दृष्य हेर्न बुटवल पुगे हुने अवस्था सिर्जना भएको छ ।

राज्यले भन्ने गरेको सामाजिक दुरीका बिषयमा मानौ नागरिकलाई केहि थाहा छैन । ढुक्कसंग एउटा पसलमा दशौं टाउकोहरु सामान किन्न झुम्मीएको अवस्था समेत बुटवलमा देख्न सकिन्छ ।

त्यसो त संघिय सरकारको गृह मन्त्रालयले प्रदेशको आन्तरिक मामीला तथा कानुन मन्त्रालय, स्थानीय तह तथा मन्त्रालय मातहतका निकायलाई लक डाउनलाई कडा बनाउन पटक पटक निर्देशन गरेको बताउंदै आएको छ, तर प्रदेश नम्बर ५ का आन्तरिक मामीला तथा कानुन मन्त्री कुल प्रसाद केसी सोनामले भने लकडाउन कार्यान्वयन गर्ने बिषयमा सरकारहरुका बिच समन्वय हुन नसकेका कारण लकडाउन खुकुलो भएको बताउनुहुन्छ ।

उता लकडाउन कार्यान्वयनको मुख्य जिम्मेवारी लिएर बसेको नेपाल प्रहरीले भने प्रहरीले रातदिन भोक प्यास नभनि कार्यान्वयनमा क्रियाशिल रहेपनि केहि स्थानीयबासीले लक डाउन र कोरोना संत्रासलाई नजरअन्दाज गरेको ईलाका प्रहरी कार्यालय बुटवलका प्रमुख प्रहरी नायव उपरिक्षक भिमलाल भट्टराई आरोप लगाउनुहुन्छ ।

प्रहरीले फाटफुट कारवाहिका नाममा १,२ दर्जन मोटरसाईकलको सांचो खोस्ने र एकैछिनमा छाडीदिने तथा निजी कार र हुनेखानेवर्गलाई चेकजांच नै नगर्ने गरेको पाईएको छ । संक्रमित रोग ऐन अनुसार कसैमाथि कारवाहि नचलाईएकाले पनि नागरिकमा सरकारको निर्देशन पालना गर्ने कुरामा नागरि गम्भीर नबनेको देखिएको छ । डिएसपी भट्टराईले पनि सम्झाईबुझाई गर्ने बाहेकको कारवाहि नगरेको स्विकार गर्नुहुन्छ ।

सरकारी लकडाउन कुनै दलको उद्देश्य प्राप्त गर्न आह्वान गर्न गरिएको नेपाल बन्द होईन । लकडाउन कुनै घटना बिशेषलाई साम्य पार्न राज्यले जारी गरेको कर्फ पनि होईन ।

नागरिकलाई कारोना भाइरसको संक्रमणबाट जोगाउन राज्यले घोषणा गरेको लकडाउन सबैले पालना गर्न जरुरी छ । आफ्नै जिउ जोगाउन पनि प्रहरीले कारवाहि नै चलाउनु पर्ने जस्तो बिडम्बना अरु के नै हुन सक्छ र ?

प्रकाशित मिति : ७ बैशाख २०७७, आइतबार  ८ : १६ बजे

सूर्य नेपाल काठमाडौं ओपन – दोस्रो दिन दिनेश र भुवन शीर्षस्थानमा

काठमाडौं । सूर्य नेपाल गल्फ टुर २०२३-२४ अन्तर्गतको सातौं प्रतियोगिता,

बुटवलमा रहेको सिद्धबाबा हस्पिटल एण्ड रिसर्च सेन्टर प्रालि ७ औं वर्षमा प्रवेश

बुटवल । युवा विशेषज्ञ चिकित्सकहरुको लगानीमा स्थापना भएको बुटवलमा सञ्चालित

महोत्तरीको मटिहानीमा सयौ घर जलेर नष्ट, आगो अझैँ नियन्त्रण बाहिर

महोत्तरी । महोत्तरीको मटिहानी नगरपालिकाको वडा नं.६ स्थित जरलहवा गाछीमा

रविको दाबी – हरेक महिना ठूलो भ्रष्टाचारीलाई पक्रन्छु भनेको छु, सप्राइज कुरेर बस्नु होला

इलाम । राष्ट्रिय स्वतन्त्र पार्टी (रास्वपा)का सभापति एवं गृहमन्त्री रवि

तिलोत्तमाको जंगलमा डढेलो निभाउन गएको दमकल आफै जलेर ध्वस्त

बुटवल । रुपन्देहीमा डढेलो निभाउन गएको एक दमकल आफै डढेलोको