बुटवल । भुमि व्यवस्था कृषि तथा सहकारी मन्त्रालयको संम्योजकत्वमा प्रदेश ५ का १२ वटै जिल्लाहरुमा कृषि एम्बुलेन्स सुरु भएका छन ।
किसानले उत्पादन गरेका कृषि तथा पशुजन्य उत्पाकत्वलाई बजारीकरणमा सहजता ल्याउनकाे लगि कृषि एम्बुलेन्स सञ्चालनमा ल्याईएकाे हाे ।
भुमि व्यवस्था कृषि तथा सहकारी मन्त्रालय प्रदेश ५ का प्रवक्ता तथा याेजना अनुगमन महाशाखा प्रमुख विनाेद घिमिरेका अनुसार कृषि ज्ञान केन्द्र तथा पशु सेवा विके केन्द्रमा रहेका पिक अप भ्यान र मन्त्रालय मतहतका कार्यालयहरुले अनुदानकाे रुपमा उपलब्ध गराएका पिक अप भ्यान कृषि एम्बुलेन्स काे रुपमा प्रयाेग गरिएकाे छ । उहाका अनुसार प्रदेश ५ का १२ जिल्लामा ४४ वटा कृषि एम्बुलेन्सले अहिले सेवा दिईरहेका छन ।
साेमबार मात्रै रुपन्देहीको देवदह नगरपालिकामा कृषि एम्बुलेन्स सुरुवात गरिएकाे छ । देवदह नगरपालिकाले कृषि एम्बुलेन्स संचालनमा ल्याएको हो । कृषि एम्बुलेन्सकाे प्रदेश ५ का भुमि व्यवस्था कृषि तथा सहकारी मन्त्री आरति पाैडेललेे शुभारम्भ गर्नुभयाे ।
किसानहरुको उत्साहलाई मर्न नदिन र उपभोक्ताको सहजताको लागि उक्त कृषि एम्बुलेन्स संचालनमा ल्याएको देवदह नगरपालिकाका नगर प्रमुख हिरा बहादुर खत्रीले बताउनुभयो ।
प्रदेश सरकारले घोषणा गरेको भुमी ब्यवस्था, कृषि तथा सरकारि कार्यालय मार्फत देवदह नगरपालिकाले उक्त कृषि एम्बुलेन्स संचालनमा ल्याएको हो ।
यस्तै आईतबार पाल्पाको तानसेन नगरपालिकामा पनि सुरुवात गरिएसंगै प्रदेश ५ का सबै जिल्लाहरुमा कृषि एम्बुलेन्स सुरुवात भएका हुन ।
प्रतिक्रिया