पर्सा । पर्साको वीरगञ्जमा र्यापिड टेष्टमा कोरोना पोजेटिभ देखिएकी युवतीको मृत्यु भएको छ ।
र्यापिड टेष्टमा तीन पटकसम्म कोरोना भाइरसविरुद्धको एन्टिबडी देखिएकी २३ वर्षीया युवतीको नारायणी अस्पतालमा मृत्यु भएको हो ।
युवतीलाई नारायणी अस्पतालको आइसोलेसनमा राख्ने तयारी हुँदैगर्दा मृत्यु भएको डा.मदनकुमार उपाध्यायले जानकारी दिनुभयो । मृतक युवतीको स्वाब परीक्षणका लागि हेटौँडास्थित प्रयोगशालामा पठाइएको उहाले बताउनुभयो ।
कोरोनाबाट मृत्यु भएको हो वा अन्य कुनै कारणले भन्ने कुरा पिसिआर परीक्षण रिपोर्टका आधारमा भन्न सकिने अस्पतालले जनाएको छ । उनी ब्लड क्यान्सरकी बिरामी थिइन् ।
युवतीको शव अहिले अस्पतालमै राखिएको छ। उनको परिवारलाई भने अस्पतालले क्वारेन्टाइनमा बस्न आग्रह गरेको छ ।
प्रतिक्रिया