१५ चैत्र २०८०, बिहिबार | March 28, 2024

जनप्रतिनिधि भन्छन् : प्रहरीले पैसा लिएर मानिस भित्रायो, प्रहरी भन्छ, ‘जनप्रतिनिधिले भित्राउन दबाव दिए’



आइतबार नेपालगन्जमा मात्रै १५ जना कोरोना संक्रमित भेटिए । तीन दिन पहिले भेटिएका ६० वर्षीय कोरोना संक्रमितको सम्पर्कमा आएका व्यक्तिहरु खोज्दै जाँदा यति ठूलो संख्यामा संक्रमित थपिए । यो संख्या अझै बढ्न सक्ने देखिन्छ । किनकी उनको सम्पर्कमा कम्तिमा ९० जना व्यक्तिहरु त थाहा लागिसकेको छ ।

चैत्र १० देखि नै अन्तराष्ट्रिय सीमा नाका बन्द भएको थियो । सीमा नाका बन्द भएपछि बाँकेको जमुहनाह नाकामा आइपुगेका सयौं नेपालीहरुलाई उद्दार गरेर नेपालगन्जको महेन्द्र बहुमुखी क्याम्पसमा बनाइएको क्वारेन्टाइनमा राखिएको थियो । कतिपय व्यक्ति क्वारेन्टाइनबाट भागे पनि । नेपालगन्जका पहिलो संक्रमित सोही क्वारेन्टाइनमा बसेका थिए ।
तीन दिन पहिले रुपन्देहीमा पनि एक युवक कोरोना संक्रमित भेटिए । रुपन्देहीका संक्रमित पनि नेपाल भारत सीमाको चोरबाटो हुँदै नेपाल प्रवेश गरेका थिए ।

यी त केही उदाहरणमात्र हुन् । भारतमा लाखौं नेपालीहरु रहेका छन् । भारतले लकडाउन गरेपछि नेपाल फर्किन चाहनेहरु हजारौंको संख्यामा सीमा क्षेत्रमा आइपुगे । नेपाल र भारतको समझदारीमा दुबै देशका नागरिकलाई आआफ्नो सीमा क्षेत्रमै क्वारेन्टाइनमा राखियो । सीमा क्षेत्रमा कडाइ गरियो । नाकाबाटा आवतजावतमा रोक लगाइयो । तर सीमा क्षेत्रमा कडाइ गरिए पनि भारतबाट लुकिछिपी नेपाल प्रवेश गर्ने क्रम रोकिएन ।

१७ सय बढी लामो खुल्ला सीमामा केही ठाउँमा मात्र मुख्य नाका र सहायक नाका रहेका छन् । बाँकी सीमा त खुल्लै रहेको छ । खेल, जंगल, खोला नालाको अप्ठेरो चोर बाटो हुँदै नेपाल प्रवेश गर्न रोकतोक छैन । सीमा क्षेत्रमै रहेका बासिन्दाले थाहा पाए कतै कतै रोक्ने काम पनि भएको छ । तर अधिकांश स्थानमा कैयौं किलोमिटरसम्म सुनसान सीमाको फाइदा उठाउँदै नेपाल प्रवेश गर्नेहरु अझै पनि कोरोना संक्रमणका लागि प्रयाप्त आधार बन्न सक्छन् । भारतमा कोरोना संक्रमित हुनेको संख्या दिन दिनै बढ्दै गएका छन् । भारत सरकारले लकडाउन त बढाएको छ, तर केही खुकुलो पनि पारेको छ । यो फाइदा नेपाल आउन चाहनेहरुले पनि उठाउन खोजिरहेकै छन् ।

प्रदेश ५ बढी जोखिममा :

भारतबाट नेपाल प्रवेश गर्नेहरुका कारण प्रदेश ७ सबैभन्दा बढी जोखिम मानिएको थियो । तर, नेपालगन्जले पुष्टि गरेको छ, खुला सीमाबाट हुने अवैध नेपाल प्रवेश नेपालमा कोरोना नियन्त्रणका लागि समस्या बन्दै गएको छ । सीमाक्षेत्रमा कडाइ गरिए पनि लुकीछिपी भारतबाट नेपाल छिर्ने प्रवृत्ति नरोकिएपछि प्रदेश ५ मा कोरोनाको जोखिम देखिएको छ । ५ नं. प्रदेशमा झन्डै चार सय आठ किलोमिटर खुला सिमाना रहेको छ । विभिन्न बहानामा भारतबाट नेपाल छिरिरहेका घटना दिनदिनै सार्वजनिक भैरहेको छ । यस्तो प्रवृत्ति रोक्न सीमाक्षेत्रका गाउँपालिका, नगरपालिका र सुरक्षा निकायका प्रमुखहरूसँग नियमित सम्पर्क र समन्वय हुन जरुरी छ ।

कतिपय चोरी नाकाहरुबाट केहि आर्थिक रकम सुरक्षानिकायलाई बुझाएर नेपाल भित्राईएको भन्ने आरोप पनि स्थानीयबासीले लगाएकाछन् । आफ्नो नाम नखुलाउने सर्तमा रुपन्देहीको सिमा नाका जोडिएका स्थानीय तहका जन प्रतिनिधिले त प्रति ब्यक्ति १ हजार देखि १ हजार ५ सय प्रहरीलाई दिएर नेपाल प्रवेश गर्न दिईने गरेको आरोप समेत लगाएका छन् । मुलुकले माहामारी खेपिरहेका बेला केहि राजनितिक दलका नेता तथा सभासदहरु स्वयं सिमामा सेटिङ मिलाएर अबैध सामान ओसारपसार गर्ने र मानीसहरुलाई आवत जावत गर्न दिने कार्यमा संलग्न भएको श्रोतले बताएको छ ।

 

लकडाउन सुरु भएसंगै सिमामा सिल गरेर सिमाको निगरानी गर्न राज्यले शसस्त्र प्रहरीलाई खटाएको छ । शसस्त्र प्रहरीले एक अर्कामा ‘आई कन्ट्याक्ट’ हुने गरि पोष्ट खडा गर्दे ड्युटी गरेको बताईरहंदा पनि मानीसहरुको आउने क्रम रोकिएको छैन । स्थानीय जन प्रतिनिधिहरु स्वयं भारतबाट मानीस भित्राउनेमा सक्रिय रहेको शसस्त्र प्रहरीका एक उच्च अधिकारीले बताएकाछन् । हाम्रो पालिकामा हामीले भने अनुसार हुनु पर्छ भन्दै स्थानीय पालिका प्रमुहहरुले प्रहरीसंग झगडा गर्ने गरेको ती अधिकारीले बताए । प्रदेश ५ को रुपन्देहीमा मात्र ६० किलोमिटर क्षेत्रमा ९ वटा स्थायी पोष्ट र १९ वटा अस्थायी पोष्ट बनाएर शसस्त्रको १ हजार जनशक्ति परिचालन गरिएको छ ।

प्रदेश ५ मा सिमा नाका सिल गरिए पछि मात्र ३६ हजार नेपाली सिमा नाकाबाट नेपाल पसेको प्रदेशको सामाजिक बिकास मन्त्रालयले आंकलन गरेको छ । खुल्ला सिमा, सुकेका खोला, जङ्गल क्षेत्रबाट मानीसहरु भित्रीने गरेको प्रदेश ५ सरकारका सामाजिक बिकास मन्त्री सुदर्शन बराल स्विकार गर्नुहन्छ । सिमाबाट भित्रिएकाहरुलाई टार्गेट गरेर टेष्टीङ सुरु गरिएको र त्यसैको परिणाम स्वरुप नेपालगन्जमा रिपोर्ट आएको मन्त्री बरालले बताउनु भयो । सुरक्षा जनशक्ति कम भएर पनि समस्या आएको मन्त्री बरालको भनाई छ ।

यसैबीच, ५ नं. प्रदेशका मुख्यमन्त्री शंकर पोखरलेले सोमबार बिहानै सामाजिक सन्जाल फेसबुकमार्फत नेपालगन्जमा लकडाउन उल्लंघन बढ्दै गएकोमा चिन्ता व्यक्त गर्नुभएको छ । मुख्यमन्त्री पोखरेलले ‘लकडाउनमै मस्जिदमा नमाज पढ्ने र घरघरमा गई ट्यूसन पढाउने कार्यले संक्रमण फैलेको देखिँदा त्यस्ता कार्य नगर्न/नगराउन अनुरोध छ’ भन्नुभएको छ । मुख्यमन्त्री पोखरेलको अनुरोधलाई निर्देशनको रुपमा सुरक्षा निकाय र सम्बन्धित सबै सरोकारवालाहरुले पछ्याउन जरुरी देखिन्छ । अन्यथा नेपालगन्जको घटना झन बढ्न सक्छ ।

प्रकाशित मिति : २२ बैशाख २०७७, सोमबार  ९ : ३८ बजे

शिक्षा मन्त्रालयका २० कर्मचारीलाई स्पष्टीकरण

काठमाडौं । शिक्षा, विज्ञान तथा प्रविधि मन्त्रालयका २० कर्मचारीलाई स्पष्टीकरण

नमस्ते नेपालले युवा लक्षित ‘अब के ?’ बहस कार्यक्रम गर्दै

बुटवल । नमस्ते नेपाल रुपन्देहीले तिलोत्तमाममा युवा लक्ष्यित अव के ? नामको बहस कार्यक्रम गर्ने भएको छ । योगीकुटीमा रहेको होटल पौवामा यहि चैत १७ गते शनिवार कार्यक्रम आयोजना गर्ने र युवालाई रोजगारीको बाटो खोल्न र स्वदेशमै राख्ने वातावरण मिलाउने भिजन खोज्न कार्यक्रम गरिने अध्यक्ष मनिष भुषालले जानकारी दिए । कार्यक्रममा पुर्व मन्त्री तथा रुपन्देही क्षेत्र नम्बर २ का संघीय संसाद विष्णु पौडेल, संघीय सभा संसाद सन्तोष परियार, राष्ट्रिय योजना आयोगका पुर्व उपाध्यक्ष गोविन्द पोखरेल, सूचना तथा सञ्चार विज्ञ किरन बज्राचार्य, भिजन लुम्बिनीका अध्यक्ष जगतबहादुर पोखरेल लगायतका बक्ताहरुको सहभागीता रहने छ ।  वक्ताहरुले युवालाई स्वरोजगार बनाउन र स्वदेशमै टिकाउने योजना सहितका तरिका वताउने नमस्ते नेपालले जानकारी गराए । कार्यक्रममा देशभरबाट ३ सय जना युवाहरुको सहभागीता हुने अपेक्षा गरिएको संरक्षण तथा संस्थापक अध्यक्ष अर्जुन खरेलले जानकारी दिए ।  वि.स. २०६८ सालमा बाल क्लवको रुपमा स्थापना भएको नमस्ते नेपालले विभिन्न रचनात्मक कार्यक्रमहरु गर्दै आएको छ ।  कार्यक्रममा प्रदेश युवा परिषदका उपाध्यक्ष गोबिन्द केसी, प्रचार बिभागका प्रमुख बिपिन नेपाल लगायतले आआफ्ना भनाई राखेका थिए ।

त्रिभुवन विश्वविद्यालयको उत्तरपुस्तिका हराएको घटना छानबिन गर्न उच्चस्तरीय समिति गठन

काठमाडौं ।  त्रिभुवन विश्वविद्यालयले उत्तरपुस्तिका हराएको घटना छानबिन गर्न तीन

रास्वपाबाट इलाम- २ मा मिलन लिम्बु बने उम्मेदवार

काठमाडौं । राष्ट्रिय स्वतन्त्र पार्टी (रास्वपा) ले  वैशाख १५ गते

एमाले पार्टी कार्यालय अध्ययन भ्रमणमा पुगे रास्वपाका नेता

काठमाडौं । राष्ट्रिय स्वतन्त्र पार्टी (रास्वपा) का नेताहरुले नेकपा एमालेको