नेपालगन्जमा थपिए ७ जना संक्रमित, देशभर पुग्यो ८२ जना

नेपालगन्ज । बाँकेको नेपालगञ्जमा सांझ थप ७ जनामा कोरोना संक्रमण पुष्टि भएपछि नेपालगन्जको कुल संक्रमितको संख्या २३ पुगेको छ । स्वास्थ्य तथा जनसंख्या मन्त्रालयको बिज्ञप्तीका अनुसार भेरी अस्पतालमा गरिएको परीक्षणमा थप ७ जनामा कोरोना संक्रमण देखिएको हो ।
शुक्रबार मात्र १ जना संक्रमितले खाता खोलेको नेपालगन्जमा आइतबार मध्यान्ह ९ जना र आईतबार नै सांझ ६ जनामा कोरोना संक्रमण पुष्टी भएको थियो । आज बिहान मन्त्रालयले ७ जना थप संक्रमण पुष्टी गरेपछि नेपालगन्जको संख्या २३ पुगेको हो । शुक्रबार नेपालगञ्ज उपमहानगरपालिकाका ६० वर्षका एक व्यक्तिमा कोरोना संक्रमण पुष्टि भएको थियो ।

संक्रमित ब्यक्तिको कन्ट्याक ट्रेसिङ गरेर ९० जनाको स्वाब संकलन गरी परीक्षणका लागि प्रयोगशाला लगिएको थियो । तीमध्ये परीक्षण भइसकेको नमुनामा अहिलेसम्म २३ जनामा कोरोना संक्रमण पुष्टि भएको छ । पछिल्लो संक्रमितहरुमा ३०, २२ र ४० वर्षका पुरुष तथा ९,३२, ३४ र ५५ बर्षिया महिला रहेको स्वास्थ्य तथा जनसंख्या मन्त्रालयले जनाएको छ ।

यो सहित देशभर संक्रमितको संख्या ८२ पुगेको छ।
देशभरका संक्रमितमध्ये १६ जना निको भएर घर फर्केका छन्।