काठमाडौं । कोरोना संक्रमकको संख्या बढ्ने क्रम नरोकिएपछि सरकारले अन्तर्राष्ट्रीय सीमा नाका सहित सबै उडानहरु जेठ १८ गतेसम्म बन्द गर्ने निर्णय गरेको छ ।
बुधबार बसेको मन्त्रिपरिषद् बैठकले छिमेकी मुलुक भारतमा कोरोना संक्रमितको संख्या बढिरहेको भन्दै सीमा नाका जेठ १८ सम्म बन्द गर्ने र थप कडाई पनि गर्ने निर्णय गरेको हो ।
यस्तै बैठकले अन्तर्राष्ट्रीय र राष्ट्रीय हवाई उडानमा लगाएको प्रतिबन्धलाई पनि बढाउंदै जेठ १८ सम्म पुर्याएको छ । यसअघि हवाई उडान माथिको प्रतिबन्ध जेठ २ सम्म जारी गरिएको थियो ।
बैठकले भोलि २५ गते बुद्धजयन्तीको अवसरमा साँझ ७ बजे दीप प्रज्ज्वलन गर्ने निर्णय समेत गरेको छ ।
प्रतिक्रिया