कोरोना अपडेट : मृत्यु हुनेको संख्या २ लाख ७० हजार ७ सय २० पुग्यो

काठमाडौ । विश्वमा महामारीका रुपमा फैलिएको कोरोना भाइरसको संक्रमणबाट ज्यान गुमाउनेको संख्या २ लाख ७० हजार ७ सय २० पुगेको छ । बितेको २४ घण्टामा ६ हजार ५६ जनाको मृत्यु भएको छ ।

शुक्रबार बिहानसम्ममा ३९ लाख १६ हजार ८५५ जनामा कोरोनाको संक्रमण देखिएको छ । एकैदिन ९५ हजार ४४ जना नयाँ संक्रमित थपिएका छन् ।

संक्रमितमध्ये १३ लाख ४२ हजार १६८ जना उपचारपछि निको भएका छन् । बिरामी रहेका २३ लाख ४ हजार ३६ जनाको विभिन्न अस्पतालमा उपचार भइरहेको छ । उपचाररत मध्ये ४८ हजार ९५८ जनाको अवस्था गम्भीर छ ।

आज सबैभन्दा धेरै अमेरिकामा १ हजार ४ सय ९१ जनाको मृत्यु भएको छ । स्पेनमा २ सय १३, इटलीमा २ सय ७४, बेलायतमा ५ सय ३९, रसियामा ८८, फ्रान्समा १ सय ७८ र जर्मनीमा ६७ जनाको मृत्यु भएको छ ।