कालापानीको किचलो लकडाउनकै बेला समाधान गर्न मुख्यमन्त्री पोखरेलको सुझाव

बुटवल । प्रदेश नम्बर ५ सरकारका मुख्यमन्त्री शंकर पोखरेलले लकडाउनले खुल्ला सिमाको समस्या उजागर बनेको बेला नेपाललाई सिमा समस्या समाधानगर्ने अवसर भएको बताउनु भएको छ । उहांले सिमा समस्या उजागर भएकै अवस पारेर सबै ऐक्यवद्धभइ समाधानको पहल गर्न सकिने बताउनु भएको छ ।

आज आफ्नो फेसबुक वालमा पोष्ट गर्नुभएको छ, ‘लकडाउनले खुला सिमाको समस्या उजागर गरेकावेला कालापानी क्षेत्रको किचलो नेपाललाई सिमा समस्या समाधानगर्ने अवसर हो।ऐक्यवद्धभइ पहल गरौ’।

सत्तारुढ नेपाल कम्युनिष्ट पार्टी नेकपाले लिपुलेक कालापानीमा भारतले मानसरोबर जाने बाटो निर्माण गर्दै सडकको उदघाटन समेत गरिसकेको समाचार आईरहंदा, पार्टीको आधिकारी धारणा सार्वजानिक नभएपनि मुख्यमन्त्री पोखरेलको यस्तो स्ट्याटस आएको हो ।
यस अघि नेकपाका प्रवक्ता नारायणकाजी श्रेष्ठ प्रकाशले कालापानी लिपुलेकको बिषयमा धारणा बनाउन आह्वान गर्नुभएको थियो ।