बुटवल । अस्पतालको आईसोलेसन कक्षमा नै छमछमी नाचेर चर्चा कमाएका रुपन्देहीका पहिलो कोरोना संक्रमित युवा कोरोना भाइरस मुक्त भएकाछन् । उनलाई आजै सांझ डिस्चार्ज गर्ने तयारी गरिएको छ ।
गएको शुक्रवार र सोमबारको दुबै रिर्पोट नेगेटिभ आएपछि उनलाई आजै डिस्चार्ज गरिने लुम्बिनी प्रादेशीक अस्पतालका मेडिकल सुपरिटेण्डेन्ट डाक्टर राजेन्द्र खनालले जानकारी दिनुभयो ।
वैशाख ५ गते भारतबाट लुकिछिपी नेपाल प्रवेश गरेका उनलाई कोरोना देखिएपछि वैशाख १९ गते अस्पतालमा भर्ना गरिएको थियो । रुपन्देहीको कोटहीमाई गाउँपालिकाका २५ वर्ष युवालाई रिपोर्ट पाजिटिभ देखिएपनि उनलाई कोरोनाको कुनै लक्षण देखिएको थिएन ।
रुपन्देहीमा अहिलेसम्म १७ जना कोरोना संक्रमित छन । अस्पतालमा रुपन्देही र कपिलवस्तुका २२ जनाको आइसोलेनसमा राखेर उपचार भइरहेको छ । अस्पतालमा एक्लै भएपनि उनी नृत्य गरेको भिडियो समेत भाइरल बनेको थियो ।
प्रतिक्रिया