२३ माघ २०७९, सोमबार | February 6, 2023

सिमामा अलपत्र परेका नेपालीलाई लिन सिमाना पुगे रुपन्देहीका २ नगरप्रमुख



बुटवल । भारतीय क्वारेन्टाईनमा २१ दिन बिताएर नेपाल पठाईएका नेपालीहरुलाई लिन रुपन्देहीका २ जना नगर प्रमुख सिमा नाकाको बलहिया नै पुगेकाछन् । लकडाउनका कारण नेपाल भारत सिमाक्षेत्र सुनौलीमा अलपत्र परेका नेपालीहरुलाई लिन तिलोत्तमा नगरपालिकाका र सिद्धार्थ नगरनगरपालिकाका नगरप्रमुख तथा उप प्रमुखको टोली बेलहिया पुगेका थिए।

उनीहरुलाई उद्धारगरी सिद्धार्थनगर नगरपालिका र तिलोत्तमा नगरपालिकाका बिभिन्न क्वारेन्टाईनमा राखिने ती नगरपालिकाले जानकारी दिएको छ ।

आज ५ सय १० जना नेपालीहरुलाई नेपाल ल्याईएको तिलोत्तमा नगरपालिका प्रमुख बासुदेव घिमीरेले बताउनु भयो ।

नेपाल ल्याईएका मध्ये २ सय ३३ जनालाई तिलोत्तमा नगरपालिकाका २ वटा क्वारेन्टाईनमा राखिने छ भने बांकी २ सय ७७ जनालाई सिद्धार्थ नगरपालिकाका २ वटा क्वारेन्टाईनमा राखिने छ ।

भारतका बिभिन्न स्थानबाट नेपाल फर्केर भारतीय सिमावर्ती सुनौलीमा १ हजार २ सय बढी नेपाली रहेपनि क्वारेन्टाईनको ब्यवस्थापन हुन नसक्दा अहिलेलाई ५ सय १० जना मात्र ल्याउन घिमीरेले बताउनु भयो।
तिलोत्तमा नगरपालिकामा ल्याईएका २ सय ३३ जना मध्ये शंकरनगर सारदा उच्च माध्यमिक बिद्यालयको क्वारेन्टाईनमा ३३ जना र मधवलिया स्थीत मधवलिया माध्यमिक बिद्यालयको क्वारेन्टाईनमा र २ सय जना राखिने नगरप्रमुख घिमिरेले बताउनु भयो ।

अन्य २ सय ७७ जनालाई सिद्धार्थनगर नगरपालिका वडा नं ८ मा रहेको रुपन्देही लिलाराम माध्यमिक बिद्यालय र वडा नं ५ मा रहेको भैरहवा माध्यमिक बिद्यालयको क्वारेन्टाईनमा राखिने सिद्धार्थनगर नगरपालिका उपप्रमुख उमादेवी काफ्लेले जानकारी दिनुभयो ।

नेपाल ल्याईएका सबैको बुधवार बिहानबाट स्वाव संकलन गरिने बताईएको छ ।

जिल्ला प्रशासन कार्यालय रुपन्देहीका अनुसार उद्धार गरेर नेपाल ल्याईएका ५ सय १० जना कति अवधी क्वारेन्टाईनमा बस्ने भने उनीहरुको पिसिआर रिर्पोटका आधारमा निर्धारण हुने छ ।

मुम्बईबाट आई नौतनहवा स्थीत मोर्डन एकेडेमी स्कुलको क्वारेन्टाईनमा रहेका ८२ जनामध्ये एकजना २५ वर्षिय युवामा कोरोना पोजेटिभ देखिएको महाराजगंज जिल्लाका चिकित्सक उज्जवल कुमारले बताउनुभएको छ ।

त्यहां रहेका अधिकांश व्यक्तिहरु गुल्मी, पाल्पा अर्घाखाँची, स्याङजा, रुपन्देही लगायत जिल्लाका रहेका छन् ।

प्रकाशित मिति : ३१ बैशाख २०७७, बुधबार  ७ : ४४ बजे

७ बुँदे बुटवल घोषणापत्र जारी गर्दै सकियो उपमहानगर सम्मेलन

बुटवल । ७ बुँदे बुटवल घोषणा पत्र जारी गर्दै उपमहानगरपालिकाहरुको

माघ २९ गतेका लागि एमालेले बोलायो केन्द्रीय कमिटी बैठक

काठमाडौं । निर्वाचनको समीक्षालगायत विषयमा छलफल गर्न नेकपा (एमाले) को

रास्वपाका मन्त्रीले प्रधानमन्त्रीलाई बुझाए राजीनामा

काठमाडौं । राष्ट्रिय स्वतन्त्र पार्टीबाट मन्त्री भएकाहरूले प्रधानमन्त्री पुष्पकमल दाहाल

बालुवाटारमा नेत्रविक्रम चन्द ‘विप्लव’र प्रधानमन्त्री प्रचण्डबीच भेटवार्ता

काठमाडौं । नेकपाका महासचिव नेत्रविक्रम चन्द ‘विप्लव’ र नेता खड्गबहादुर

रवि लामिछानेको अभिव्यक्ति प्रति पत्रकार महासंघको आपत्ति

काठमाडौं । पूर्व उपप्रधान तथा गृहमन्त्री रवि लामिछानेले पत्रकार सममेलनमा