एजेन्सी । ईटालियन फुटबल संघले कोरोना भाइरसको महामारीका कारण अवरुद्ध घरेलु फुटबलको सिजन अगष्ट २० भित्र सक्ने तयारी गरेको छ ।
संघले घरेलु फुटबलका शीर्ष तीन डिभिजनको लिग अगष्ट २० भित्र सक्ने गरि तालिका हेरफेर गर्न लागेको हो । यस्तै, संघले सिरि एको अर्को सिजन भने सेप्टेम्बर १ बाट सुरु गर्ने तयारी गरेको छ ।
संघका प्रमुख कार्यकारी अधिकृत र तीनै डिभिजनको प्रमुखबीच चालू सिजनका खेलहरु सक्ने गरि तालिका परिमार्जनमा छलफल भएको छ ।
संघले कोपा ईटालिया समेत अगष्टको अन्त्यमा सक्ने गरि अघि बढ्ने अनुमती दिएको छ ।
ईटलीमा फैलिएको कोरोना संक्रमणपछि गत मार्चबाट चालू सिजन अबरुद्ध छ । जुन १४ अघि कुनैपनि खेल गतिविधि सञ्चालन हुनेछैनन् ।
प्रतिक्रिया