दैलेख । क्वारेन्टाइनमा रहेका केहिलाई कोरोना संक्रमण पुष्टी भएपछि पनि अन्यत्र नसारीएपछि दैलेख सदरमुकाम स्थित एक क्वारेन्टिनमा रहेकाहरु क्वारेन्टाइन छाडेर निस्केका छन् ।
नारायण नगरपालिकाको नारायण क्याम्पसमा राखिएका नागरिकहरुले सोमबार क्वारेन्टाइन छाडेका हुन् ।
२ दिन अघि पुष्टी भएका १७ जना र त्यसपछि पुष्टी भएका थप १७ जनालाई संक्रमण पुष्टी भएपछि पनि सोहि क्वारेन्टाईनमा राखिए पछि क्वारेन्टाईनमा रहेका अन्य क्वारेन्टाइन छाडेर निस्केका हुन् ।
१०५ जनाको क्षमता भएको क्याम्पसमा भारतबाट आएका २१९ जनालाई राखिएको थियो ।
यता प्रहरीले भने क्वारेन्टाइन छाडेर बाहिर निस्केकालाई पुन क्वारेन्टाइनमै राखिएको बताएको छ ।
पछिल्लो २ हप्ता देखि दैलेखमा मजदुरीको लागि भारत गएका नागरिकहरु ठूलो संख्यामा भित्रिएका छन् । हाल नारायण नगरपालिकामा मात्रै १ हजार ४ सय बढी भारतबाट आएका स्थानीय बिभिन्न क्वारेन्टाइनमा बस्दै आएका छन् ।
भारतबाट आउने क्रम नरोकिएकोले व्यवस्थापनमा कठिनाइ भएको मेयर रत्नबहादुर खड्काको भनाइ छ।
प्रतिक्रिया