पाकिस्तानमा पेट्रोलियम पदार्थको मूल्य घटेको छ । पाकिस्तानका प्रधानमन्त्री इमरान खानले आम जनतालाई राहत दिन पेट्रोलको मूल्य घटाएको बताएकाछन् ।
प्रधानमन्त्री खानले ट्वीट गर्दै दक्षिण एशियामा सबैभन्दा सस्तो मूल्यमा जनतालाई पेट्रोलियम पदार्थ उपलब्ध गराएको दाबी गरेका छन् ।
भारत, नेपाल र बंगलादेशको उदाहरण दिँदै खानले कोरना भाइरसको महामारीबाट संकटमा परेका जनताले सस्तो दरमा पेट्रोलियम पदार्थ पाउँदा उनीहरुलाई राहत मिलेको बताएका छन् ।
दक्षिण एशियामा सबैभन्दा महंगो पेट्रोलियम पदार्थको मूल्य भारतमा बढी रहेको छ । इन्डियन आयल कर्पोरेशन आईओसीमा मात्रै भर पर्ने नेपालले आइओसीले दिने मूल्यसूचिको आधारमा पेट्रोलियम पदार्थको मूल्य तय गर्छ ।
नेपालमा पट्रोलियम पदार्थमा अत्याधिक कर असुली गरिँदा मूल्य महंगो पर्ने गरेको छ ।
प्रतिक्रिया