कोरोना भाइरसका कारण पाकिस्तानमा एक मन्त्रीको मृत्यु

काठमाडौं । कोरोना भाइरसबाट पाकिस्तानमा एक मन्त्रीको मृत्यु भएको छ ।

सिन्ध प्रान्तका मुख्यमन्त्री मुराद अलि साहले आफ्ना सहकर्मीको मृत्युको पुष्टि गरेका छन् ।

कराँचीको एक निजी अस्पतालको आईसीयूमा उपचार गराइरहेका गुलाम मुर्ताज बलोचको मृत्यु भएको पाकिस्तानी समाचारपत्र डनको अनलाइन संस्करणले जनाएको छ ।

पाकिस्तान पिपुल्स पार्टीको नेता उनी सिन्ध प्रान्तका मानव संशाधन मन्त्री थिए ।

दक्षिण एशियामा कोरोनाबाट मृत्यु हुने उनी नै हाइप्रोफाइल राजनीतिज्ञ बनेका छन् ।