काठमाडौं । लकडाउनको मोडालिटी र जनस्वास्थ्य संकटकाल लगाउने निर्यय गर्न मन्त्रिपरिषद् बैठक अनिर्णित भएको छ ।
प्रधानमन्त्री निवास बालुवाटारमा अपरान्ह ४ बजेदेखि बसेको बैठकमा कुनै निर्णय नभएपछि उच्चस्तरीय समन्वय समितिलाई जिम्मा दिइएको छ ।
क्राइसिस म्यानेजमेन्ट कमिटीले तयार पारेको असोज महिनासम्मको मोडालिटिबारे छलफल भएपनि निर्णय नभएपछि उच्चस्तरीय समितिलाई जिम्मा दिइएको हो ।
यस्तै स्वास्थ्य क्षेत्रमा संकटकाल लगाउने स्वास्थ्य मन्त्रालयको प्रस्तावबारे पनि कुनै निर्णय भएन ।
संक्रामक रोग ऐन २०२० र जनस्वास्थ्य सेवा ऐन २०७५ अनुसार जनस्वास्थ्य विपदको अवस्था घोषणा गर्न मन्त्रालयले प्रस्ताव गरेको थियो । यसबारे पनि थप छलफल गर्नुपर्ने देखिएको स्वास्थ्यमन्त्री भानुभक्त ढकालले बताउनुभयो ।
बिहीबार अपरान्ह संकटकाल घोषणा गर्न मन्त्रिपरिषद्मा प्रस्ताव पठाइएको स्वास्थ्य तथा जनसंख्या मन्त्रालयका प्रवक्ता डा. विकास देवकोटाले जनाउनुभएको थियो ।
प्रतिक्रिया