७ श्रावण २०८१, सोमबार | July 22, 2024

रुपन्देही सामुहिक हत्याकाण्ड : पक्राउ परेका सिंजालीबाट हत्या गरेको स्वीकार



बुटवल । रुपन्देहीको तिलोत्तमा १० कान्छी बजारमा भएको सामूहिक हत्याकाण्डको अभियोगमा पक्राउ परेका झबेन्द्र सिंजालीले आफुले हत्या गरेको स्वीकार गरेको प्रहरीले जनाएको छ ।

घटनास्थल नजिकै भुसभित्र बेहोस अवस्थामा फेला परेका सिंजालीले अस्पतालबाट प्रहरीलाई दिएको प्रारम्भिक बयानमा हत्या गरेको स्विकार गरेको प्रहरी श्रोतले बताएको छ । घटनाको प्रकृतिबाट सिंजालीले नै हत्या गरेको पुष्टि गर्न सकिने रुपन्देही प्रहरी प्रमुख प्रहरी उपरिक्षक हेमकुमार थापाले बताउनु भयो ।

बिहान अन्दाजी ३ बजेको समयमा तिलोत्तमा–१०, कान्छी बजारस्थित रामबहादुर पुनको गंगादेवी पशु फार्ममा ५ जनाको सामुहिक हत्या भएको थियो ।

हत्या गर्नुको कारण अझै पत्ता नलागेको प्रहरीले बताएको छ । लागु औषधको दुर्बेशनी समेत रहेका सिंजालीमाथि अनुसन्धान सुरु भएको एसपी थापाले बताउनु भयो ।

प्रहरीको नियन्त्रणमा लिंदा सिंजाली अचेत अवस्थामा थिए । स्थानीय क्रिमसन अस्पतालमा सिंजालीको उपचार भईरहेको छ ।

घटनामा ज्यान गुमाउनेमा सैनामैना मुर्गियाका ४१ वर्षिय माधव मुसहर, ३७ वर्षीय जानकी मुसहर, १४ वर्षीय पोषराज मुसहर, १७ वर्षीय करण चौधरी र आशिष चौधरी हुन् । मुसहर त्रय पशुफर्मका कामदार भएपनि करण र आशिष फार्मका कामदार नभएको स्थानीयले बताएकाछन् । चौधरी द्धयको फर्ममा आउने जाने भने चलिरहने उनीहरुले बताएकाछन् ।

घटनास्थललाई अहिले प्रहरीले शिल गरेको छ । उता प्रदेश ५ प्रहरी कार्यालय दाङले पनि रुपन्देही हत्या काण्डको अनुसन्धान गर्न बरिष्ठ प्रहरी उपरिक्षक राजकुमार बैदवारको नेतृत्वमा टोलि खटाएको जनाएको छ । प्रहरी प्रदेश प्रमुख रबिन्द्रसिंह धानुकले एसएसपी बैदवारको नेतृत्वमा अनुसन्धान टोलि गठन गरेको जानकारी दिनु भयो ।

एसएसपी बैदवारले आफु बाटोमा भएको र घटनास्थल र पक्राउ परेका ब्यक्तको बयान पछिमात्र केहि भन्न सकिने जानकारी दिनु भयो ।

प्रकाशित मिति : २७ जेष्ठ २०७७, मंगलबार  ९ : ४५ बजे

नयाँ सरकार गठनमा लुम्बिनीमा एमालेको विवाद छताछुल्ल

नेपालगन्ज । माओवादी संसदीयदलका  नेता एवं मुख्यमन्त्री जोखबहादुर महराले राजीनामा

लुम्बिनी प्रदेशको मुख्यमन्त्रीमा चेतनारायण आचार्यले गरे दाबी पेस

बुटवल । नेकपा एमाले संसदीय दलका उपनेता चेतनारायण आचार्यले लुम्बिनी

भ्रष्टाचारको निष्पक्ष र स्वतन्त्र छानबिनमा सरकार प्रतिबद्ध छ : प्रधानमन्त्री ओली

काठमाडौं । प्रधानमन्त्री केपी शर्मा ओलीले विभिन्न समयमा चर्चामा आएका

हरिवंश आचार्यले दिए आफ्नो स्वास्थ्य सामान्य रहेको जानकारी

काठमाडौँ । हास्य कलाकार हरिवंश आचार्यको नाकभित्रको सानो नसा फुटेको

प्रधानमन्त्री ओली र बर्षमान पुनबीच संसदमा भनाभन !

काठमाडौँ । प्रतिनिधि सभामा प्रधानमन्त्री केपी शर्मा ओली र माओवादी