नेपालगञ्ज । काठमाडौ पाटन अस्पतालमा कोरोना संक्रमितको खुट्टाको शल्यक्रिया सफल भएसंगै काठमाण्डौ बाहिर नेपालगन्जमा पहिलो पटक चिकित्सकहरुले कोरोना संक्रमितको सफल शल्यक्रिया गरेका छन् ।
नेपालगञ्ज शिक्षण अस्पताल कोहलपुरमा भर्ना भएकी एकजना कोरोना संक्रमित महिलाको आन्द्राको सफल शल्यक्रिया गरिएको छ । ८ महिनाकी गर्भवती महिलाको शल्यक्रिया गरिएको र हाल आमा र गर्भभित्रको बच्चा दुबैको अवस्था सामान्य रहेको अस्पतालका उपनिर्देशक डा. दिनेश श्रेष्ठले जानकारी दिनुभयो ।
अछामको बयलपाटा अस्पतालले रिफर गरेको २५ वर्षिय महिलालाई सोमबार कोहलपुर ल्याइएको थियो । भारतकोबाट फर्केर क्वारेन्टाईनमा बसेका उनको स्वाब संकलन गरि परीक्षण गर्दा कोरोना पोजिटभ देखिएको थियो ।
संक्रमित महिलाको शल्यक्रियामा डा. प्रदिप थापा, डा. अनुप कार्की, डा. अनुप शर्मासहित ६ जना स्टार्फ नर्स र ६ जना सहयोगी गरि १४ जनाको टोली पचिालित भएका थिए ।
शल्यक्रिया सफल भएसंगै अस्पतालको व्यवस्थापनमा उपचारमा संलग्न चिकित्सक सहित सबै १४ जनालाई क्वारेन्टाईनमा राखिएको छ । अस्पतालमा उपचारत महिलामा संक्रमण पुष्टि भएपछि मङ्गलबार एक दिनका लागि अस्पतालको बहिरङ्ग सेवा र आपतकालिन सेवा बन्द गरिएको थियो ।
प्रतिक्रिया