काठमाडौं । प्रधानमन्त्री केपी शर्मा ओलीले राष्ट्रिय संकटको बेलामा भ्रष्टाचार गर्नेहरुलाई कडा दण्डित गरिने चेतावनी दिनुभएको छ ।
प्रतिनिधिसभा बैठकलाई सम्बोधन गर्दै प्रधानमन्त्री ओलीले संकटको बेलामा कसैले भ्रष्टाचार गर्न खोज्छ भने त्यसलाई खोजी खोजी दण्डित गर्ने बताउनुभएको हो ।
सरकारले १० अर्ब रकम कता लग्यो भन्ने सुनिएको भन्दै ओलीले यस्तो बेलामा कसैले भ्रष्टाचरा गर्ला भनेर सोच्न नसकिने तर कहिँ कसैले तलमाथि गर्न खोजेको भए उसलाई कानुन बमोजिम कठघरामा उभ्याउने प्रष्ट पार्नुभयो ।
यतिबेला कोरोना भाइरसको संकटविरुद्ध लड्का लागि स्थानीय, प्रदेश र केन्द्र सरकार मिलेर गरिररहेको बताउँदै तत्काल केन्द्रले तल पठाएको रकमको फस्र्याैट नभएसकेको जिकिर गर्नुभयो । महालेखापरीक्षकले दिनदिनै लेखा परीक्षण गर्न नसक्ने बताउँदै उहाँले सबैतिर अविश्वास मात्र नगर्न आग्रह गर्नुभयो ।
प्रधानमन्त्री ओलीले नेपालमा लागेको कोरोना मध्ये भारतबाट आएकाहरुमा ८५ प्रतिशत रहेको बताउनुभयो । अन्य मुलुकबाट आएकाहरुमा भन्दा भारतबाट आउनेमै कोरोना संक्रमण बढेको भन्दै पिसिआर परीक्षण गर्न सरकालाई दबाब बढेको स्वीकार गर्नुभयो ।
प्रतिक्रिया